影片
更多
2009-04-01
129 瀏覽
師傅呢期忙到半死, 得番半條人命, 所以連食評都冇咩時間寫, 但係到師傅自己嘅生日飯又點能夠唔寫呢? 於是就的起心肝, 寫番個食評先!話說食神問師傅想食d咩, 唔知點解師傅嗰期好想食煎蠔餅, 於是就話打冷啦; 結果食神夫婦就搵左呢間食店為作師傅嘅生日飯! 由於事前收到風呢度係不設訂位, 所以個個都好準時到達, 但估都估唔到師傅呢期咁紅咁受歡迎, 呢次飯局嘅出席人數竟然有成十八人, 認真俾面; 而呢度最大嗰張枱都係夠坐十個人, 所以最後都係分開左兩張枱坐!全程由食神嫂發版, 一式兩份, 所以一日未登埸師傅都唔知有咩食, 不過就一定知有師傅最想食嘅煎蠔餅, 最後登埸仲有腐乳通菜, 凍蟹, 豬紅蘿蔔, 酸菜花生, 凍烏頭, 墨魚拼生腸, 紅腸拼豬大腸, 蠔仔肉碎粥同鹵水鵝片!師傅第一啖當然係主攻煎蠔餅啦, 蠔餅煎得好鬆脆, 加上粉唔厚油唔多, 但蠔仔就勁多, 蠔味勁香, 而入口鮮甜, 真係食到停唔到口, 非常好味; 腐乳通菜就好嫩綠, 一d都唔老, 不過師傅就食唔到腐乳, 可以啦; 凍蟹呢, 師傅就冇食, 皆因懶鬼; 豬紅蘿蔔簡簡單單, 不過豬紅好大舊, 但又唔會一夾就散, 又唔會碎濕濕,
話說食神問師傅想食d咩, 唔知點解師傅嗰期好想食煎蠔餅, 於是就話打冷啦; 結果食神夫婦就搵左呢間食店為作師傅嘅生日飯! 由於事前收到風呢度係不設訂位, 所以個個都好準時到達, 但估都估唔到師傅呢期咁紅咁受歡迎, 呢次飯局嘅出席人數竟然有成十八人, 認真俾面; 而呢度最大嗰張枱都係夠坐十個人, 所以最後都係分開左兩張枱坐!
全程由食神嫂發版, 一式兩份, 所以一日未登埸師傅都唔知有咩食, 不過就一定知有師傅最想食嘅煎蠔餅, 最後登埸仲有腐乳通菜, 凍蟹, 豬紅蘿蔔, 酸菜花生, 凍烏頭, 墨魚拼生腸, 紅腸拼豬大腸, 蠔仔肉碎粥同鹵水鵝片!
師傅第一啖當然係主攻煎蠔餅啦, 蠔餅煎得好鬆脆, 加上粉唔厚油唔多, 但蠔仔就勁多, 蠔味勁香, 而入口鮮甜, 真係食到停唔到口, 非常好味; 腐乳通菜就好嫩綠, 一d都唔老, 不過師傅就食唔到腐乳, 可以啦; 凍蟹呢, 師傅就冇食, 皆因懶鬼; 豬紅蘿蔔簡簡單單, 不過豬紅好大舊, 但又唔會一夾就散, 又唔會碎濕濕, 而入口帶少少煙韌, 加上入味非常, 確實不錯; 而蘿蔔又係勁大舊, 幾甜但唔夠腍, 都唔差!
酸菜花生嘅咸菜入口清爽, 加上酸度唔會過濃, 當食到膩膩地時吃一口酸菜, 非常醒晨; 而花生鬆脆, 送啤酒簡直係絕配; 凍烏頭肉身唔鞋唔腥, 不過凍食烏頭師傅始終唔慣; 墨魚拼生腸兩者除左爽字外真係諗唔到點形容, 不過生腸就好真係唔似生腸呀; 紅腸拼豬大腸, 紅腸夠腍唔夠香, 還是肥姐好味, 而豬大腸夠肥夠腍, 口感相當過癮, 皆因好有趙頭, 亦算不錯; 蠔仔肉碎粥嘅隻蠔仔都幾大隻, 加上勁多夠晒足料, 而米亦算煲得腍, 加上方魚鬆化唔硬, 真係好正; 最後鹵水鵝片肉身帶少少鞋, 皆因唔夠肥, 肉真的很大塊, 而鹵水味較淡, 可以啦!
總括黎講食物質素相當出色, 師傅相當滿意, 而服務亦算幾好, 環境當然唔係五星級, 大排檔感覺, 不過地方亦算乾淨清潔, 至於價錢真的唔貴, 非常抵食; 師傅好耐冇食過咁出色嘅潮州打冷, 呢一餐簡直係賞心悅目, 正呀; 你話笑臉邊有可能唔比呀, 一定會再黎!
最後師傅再次謝過所有好友, 衷心多謝你地嘅出席, 令呢個飯局生息不少; 再特別多謝食神夫婦嘅精心安排!
張貼
