翠華餐廳 (已結業)

尋晚上training冇飯食，今朝要食個豐富早餐。嚟翠華次次一定叫同一個早餐B，沙嗲牛肉要爽麵，炒滑蛋，轉埋餐包做奶油脆豬，凍啡走甜少冰外賣杯。其實牛肉冇乜肉味，沙嗲味都好淡，一定要自己落大量胡椒粉。麵要快食因為好快會腍。炒滑蛋就偶然會失手略燶，但今日冇事，仍然香滑。奶油脆豬冇以前咁鬆，烘得太燶有啲界口。咖啡濃味帶酸，但店方不吝嗇奶，味道還可以。