貓店街 (已結業)

雖然未係一個貓奴，但因為鐘意貓所以都幾成日去。 今次呢個真心推介，第一因為佢真係好乾淨，無味道！ 睇得出老闆好錫啲貓， 我地讚無貓味個時，佢猛話貓本身好鐘意乾淨所以唔會有貓味，仲乘機抱起左一隻黎吸兩下再話無味😂 （客人係唔可以隨便抱起啲貓既）比起一般貓cafe，貓店街俾我感覺係貓貓唔係商品，個到真係佢地既屋企，所以會見到好多飲水機，貓抓板， 貓窩咁樣。 個晚我地上到去初時大部份貓貓都瞓緊，後來陸續醒， 雖然貓貓們唔係好痴人，但都算係任摸既。😂 因為最近旺角TG 放題左好幾次， 老闆仲找左幾部空氣清新機返黎。 老闆真係好錫啲貓！ 老闆知道我地有心想養貓仲好好咁答我地一堆問題，我覺得想養貓/新手貓奴都會有得著！ 最後，食物同飲品既部分， 飲品算好大一杯，我地飲既熱柚子蜜。食物係選擇唔多，但味道算中上，份量望落唔多，但食完都係夠飽既。 我係會再去架！