火山燒 (已結業)

幾個朋友食飯，最常遇到的問題就係意見不一，好似今晚大家喺銅鑼灣行完街，想搵個地方食個晚飯，有人想食燒烤，有人想烚下烚下，上網search下發現左呢間可以滿足哂兩個願望的放題餐廳，又咁啱喺附近，就一行四人殺上去試下。上到去第一樣吸引到我係佢地個啤酒吧，當然啤酒不包在放題的價錢內，但燒烤邊爐同啤酒確係絶配，應可滿足到很多食客的須要。坐低先來一些即食的前菜，毛豆係我個人的favour，必點火煱我地選左雞湯底，呢個係我今晚其中一個非常讚賞的食物，湯底味道濃郁，最精彩係有差不多半隻雞，而且啲雞肉非常嫩滑，我覺得係呢間餐廳的必點項目。講起雞，佢地有另一道燒雞都好值得食，一樣係由廚房預備，唔使自己燒，味道亦不錯，可以一試。至於燒烤同邊爐的任點食材，都係啲大路嘢，但都頗為新鮮，其中牛脷同牛肉係我最喜歡的。總括黎講呢間餐廳食物水準不差，又可以用一個價錢有兩種食法，幾個朋友喺銅鑼灣想搵食的不錯選擇。順帶一提，聽店員講佢地十一月開始會有埋刺身選擇，令呢個放題性價比更高