影片
更多
2017-05-25
246 瀏覽
是咁的~~ 食過千之壽好幾次 一直都好好奇點解咁少人講佢 咁少食評 因為呢間位於元朗嘅日本店真係好好食 而且係好抵食！不過咁要自己搵到呢間餐廳可能比較難 我都係因為女朋友仔住喺附近 佢幫襯左好多年介紹我食我先發現佢個質素真係好高今次係第一次食晚餐（之前食過好多次都係lunch）雖然冇左lunch嘅set 不過亦會有專係dinner用嘅set 我女朋友極力推薦要試一個13件壽司嘅set 價錢都唔洗200 貌似幾抵 咁除左呢個set 都散叫左d壽司同小食，燒物 一於放縱一下！日式凍豆腐 開頭以為佢有胡麻醬所以先叫 同埋呢到好出名嘅蟹子沙律實在太大兜 兩個人食唔到 所以就叫呢個小食開一開胃啦雖然冇胡麻醬，但佢獨特嘅汁 加埋蔥花 木魚碎 令到滑溜嘅豆腐味道提升左一個層次 幾樣野撈埋 唔會太咸 凍冰冰咁真係好開胃炸軟殼蟹手卷 好似20蚊？ 不過真係好好食 軟殼蟹好大件 即叫即炸 唔會凍冰冰同硬曬軚 所以咬落係外脆內軟 而且除左口感一流之外 味道都好好 係會食到蟹嘅香味證明用料好新鮮呀！不過有個要批評嘅地方就係 佢塊紫菜都幾林 相信佢d紫菜就咁擺喺廚房擺好耐 吸左空氣嘅水份 林得黎好un 幾難咬斷
今次係第一次食晚餐（之前食過好多次都係lunch）雖然冇左lunch嘅set 不過亦會有專係dinner用嘅set 我女朋友極力推薦要試一個13件壽司嘅set 價錢都唔洗200 貌似幾抵 咁除左呢個set 都散叫左d壽司同小食，燒物 一於放縱一下！
日式凍豆腐 開頭以為佢有胡麻醬所以先叫 同埋呢到好出名嘅蟹子沙律實在太大兜 兩個人食唔到 所以就叫呢個小食開一開胃啦雖然冇胡麻醬，但佢獨特嘅汁 加埋蔥花 木魚碎 令到滑溜嘅豆腐味道提升左一個層次 幾樣野撈埋 唔會太咸 凍冰冰咁真係好開胃
炸軟殼蟹手卷 好似20蚊？ 不過真係好好食 軟殼蟹好大件 即叫即炸 唔會凍冰冰同硬曬軚 所以咬落係外脆內軟 而且除左口感一流之外 味道都好好 係會食到蟹嘅香味證明用料好新鮮呀！不過有個要批評嘅地方就係 佢塊紫菜都幾林 相信佢d紫菜就咁擺喺廚房擺好耐 吸左空氣嘅水份 林得黎好un 幾難咬斷 所以呢到扣左分喇
散叫左上面5件壽司 上而下分別就係希靈魚 甜蛋 劍魚腩 蟹子腐皮船同蟹子壽司 我個人都幾鐘意希靈魚獨特嘅味道 咸咸酸酸咁 口感又會好似蟹子咁卜卜脆 呢到嘅希靈魚好出色 而且係長長嘅一塊 好抵食甜蛋除左大大舊 蛋味都好濃蛋味濃到我相信佢個蛋漿應該好足料 好香！劍魚腩 個人都好鍾意食深海魚 因為魚味好重 劍魚腩好因人而異 我女朋友就覺得腥 我就覺得好香好濃嘅魚油魚香味 不過有樣好肯定嘅係 佢塊腩雖然大塊 但冇跟到魚身嘅紋路切 食落筋多 要扣分同埋提提大家 劍魚腩係好膩 唔好叫咁多腐皮船同蟹子都係好大好大舊 千之壽嘅特點就係大大舊 而且魚生同飯嘅比例合理 唔係太多飯或太少飯 但魚身就真係大大舊喇
好喇 13件個set黎左喇 除左兩件三文魚壽司之外 其他都各一件 分別有鰻魚 大赤蝦 赤貝 辣味三文魚 榮螺 北寄貝 象拔蚌 帶子 油甘魚 吞拿魚 立魚 其實聽落呢個set好抵食 百幾蚊 全部壽司都係大大件 而且赤貝 象拔蚌 油甘魚等等大部分都係貴野靚野黎 所以呢個餐絕對值得一試
拿味道方面 真係好好食魚身大舊而且質素好高 13件入面我覺得最正係鰻魚（本身我好鐘意食鰻魚） 鰻魚肉身厚實 質地腍而不梅 而且鰻魚汁嘅份量掌握得好好 濃味得黎唔會蓋過鰻魚嘅味道 同埋最緊要係夠曬長夠曬肥美 正呀辣味三文魚都幾特別 佢少少辣 但令到三文魚粒嘅味道更加特出 好特別！四種貝類可以一次過喺一個set到食到 好少河 個人好鐘意食貝類 呢四隻（北寄貝 赤貝 帶子 飛拔蚌）都係我好鐘意食 全部都好新鮮 好大舊 鮮甜清新 就係我對佢地嘅評價！！吞拿魚同油甘魚都好新鮮 肥美 但同樣係切嘅刀功上有敗筆導致有筋 無奈都要扣少少分
榮螺算係最無咩特別果件壽司 彈牙但冇咩味 另外要讚嘅係立魚壽司 好厚身 佢係又厚又長 而且立魚魚味清新 厚身唔會搞到好膩 同埋佢魚汁好rich 一咬落去 好多汁 好fresh嘅感覺三文魚同赤蝦唔洗講 一定要食！厚身 香濃 肥美！
最後一碟係燒牛脷因為我好鐘意食牛脷所以叫黎食下 不過呢到個牛脷相比起其他就有d失色喇唔夠熱 而且肉質都有d un相信燒過龍
總括黎講 千之壽嘅水平好高 好好味！而且真係好抵食 我地食咁多野都係~260 每件壽司都大大舊 所以就可以同女朋友仔分甘同味用料新鮮 上枱又快 款式又多 相信食幾多次都唔會厭 大家多d黎試下啦 包有驚喜支持下d小店呀嘛
張貼
