影片
更多
2017-12-23
202 瀏覽
早前知道hmv有推出$5超值熱狗，一直都好想去，可惜銅鑼灣實在太遠。得知旺角開咗新分店之後， 就即刻同左母親大人去試吓，跟住地圖去到先知， 原來旺角新店係位於新喜建波鞋商場， 好近旺角地鐵站，交通都好方便。熱狗有兩個價錢選擇，原味同加黑松露醬。我哋就叫咗兩款share食下。另外黑松露熱狗仲可以加錢，轉成套餐配嘢飲。收銀處旁邊一共有醬汁同配料自行添加原味熱狗可以加配四款醬汁黑松露熱狗除咗四款醬汁之外另外有三款配料選擇原味熱狗($5)由於本人好鍾意食酸瓜，所以原味熱狗就加左好多酸瓜，再加埋茄汁同千島醬， 自己鍾意加幾多就加幾多，毫無壓力，哈哈。黑松露熱狗($30)黑松露熱狗同原味熱狗嘅分別只係在於呢款加上黑松露醬，黑松露醬嘅份量都唔少，相比起原味熱，黑松露熱狗可以加嘅配料就多好多，分別有肉醬，粟米同洋蔥。樣樣都可以自行按喜好配撘加幾多就幾多。但今次去新開嘅旺角分店就冇肉醬， 有啲可惜，好彩有我最愛嘅粟米彌補番。其實感覺黑松露唔太適合熱狗，不過好就好在可以有多啲配料添加，所以叫原味，定黑松露熱狗就自己衡量一下啦。雖然價錢平到咁，但麵包都會烘熱先比你，無將貨就價，旺角分店真係幾方便，又咁多配料
得知旺角開咗新分店之後， 就即刻同左母親大人去試吓，跟住地圖去到先知， 原來旺角新店係位於新喜建波鞋商場， 好近旺角地鐵站，交通都好方便。
熱狗有兩個價錢選擇，原味同加黑松露醬。
我哋就叫咗兩款share食下。
另外黑松露熱狗仲可以加錢，轉成套餐配嘢飲。
收銀處旁邊一共有醬汁同配料自行添加
原味熱狗可以加配四款醬汁
黑松露熱狗除咗四款醬汁之外另外有三款配料選擇
原味熱狗($5)
由於本人好鍾意食酸瓜，所以原味熱狗就加左好多酸瓜，再加埋茄汁同千島醬， 自己鍾意加幾多就加幾多，毫無壓力，哈哈。
黑松露熱狗($30)
黑松露熱狗同原味熱狗嘅分別只係在於呢款加上黑松露醬，黑松露醬嘅份量都唔少，相比起原味熱，黑松露熱狗可以加嘅配料就多好多，分別有肉醬，粟米同洋蔥。樣樣都可以自行按喜好配撘加幾多就幾多。
但今次去新開嘅旺角分店就冇肉醬， 有啲可惜，好彩有我最愛嘅粟米彌補番。
其實感覺黑松露唔太適合熱狗，不過好就好在可以有多啲配料添加，所以叫原味，定黑松露熱狗就自己衡量一下啦。
雖然價錢平到咁，但麵包都會烘熱先比你，無將貨就價，旺角分店真係幾方便，又咁多配料可以自己添加，比IKEA更吸引❤️
張貼
