薩莉亞意式餐廳 (得寶商場)

營業中

休息中

是日放假喺九龍灣唔知食乜好，就求其嚟咗呢間食，已經好耐冇食過呢間嘢。因為嚟到已經2點幾3點所以等位都係半小時內嘅事。一入到去張枱係唔乾淨的，叫咗幾次先有個侍應幫我哋哋抹返乾淨。然後揀好想落單㩒咗好多次鐘都冇人嚟幫手，起碼等咗10分鐘以上個企門口嘅經理先睇唔過眼嚟幫我哋落單，全程見部分侍應都好得閒喺後半場行行企企。今次嚟見menu更新咗叫咗個周打蜆湯同沙律做頭盤，沙律不過不失，湯份量略嫌有點少，味道都ok呢個就係新品，有隻半熟蛋喺意粉上面，有啲煙肉，食落都ok唔會覺得好膩。然後就係呢個黑松露意粉，好似都係新出咗一排，黑松露味唔係幾夠，個汁有少少cream，食晒成碟會覺得有啲膩，不過30幾一個咁嘅意粉算係咁。最後叫咗個雞肉鐵板，粟米好甜，應該係罐頭嗰種，雞肉平平穩穩冇話好嫩亦唔會好“鞋”，整體嚟講呢碟嘢都一般。