影片
更多
2021-09-07
464 瀏覽
又黎到呢個充滿回憶嘅地方：IKEA。唔同左嘅係，疫情關係下宜家會有人守門口同幫你安排位置。唔洗好似以前甘打游擊仲要落定注睇邊台客大機率快d食完讓個位比你。見d野食甘鬼平，我地當然有食特食，咩都試下啦！傳統一定會叫嘅有瑞典肉丸、蔬菜薯餅、鷄翼。試下新野亦叫左素菜肉丸、芝士番茄長通粉、酥皮龍蝦湯。瑞典肉丸就一如以往地好食架啦，香口肉丸配上肉汁醬，仲有我中意嘅薯蓉做底，名副其實嘅IKEA招牌菜！然後蔬菜薯餅都係我嘅摯愛，味道唔多講啦都係一樣甘好食。而鷄翼反而我平時少叫，今次叫亦唔覺得特別，有d硬同割口，我麻麻地。然後到新野啦！素菜肉丸嘅評價係……好難食。真係好難食，接受唔到。我唔確定會唔會有人好中意食三色豆然後好中意呢個素菜肉丸，但個人認爲呢個係難食到擺唔到入口。然後芝士番茄長通粉，係凍架！我覺得如果整反熱又溶到反d芝士嘅話可能會OK嘅，但宜家呢個凍度我真係比唔到評語。最後酥皮龍蝦湯，呢個好食！宜家真係好少地方仲會有酥皮龍蝦湯，雖然係呢度都係特別期間限定先有，但都好開心食到，而且係好食嘅。呢道菜係真正新鮮焗出黎，熱辣辣。將上面嘅酥皮浸落個湯度，索哂濃濃嘅龍蝦湯再食落去真係好好食！龍蝦湯内真係
見d野食甘鬼平，我地當然有食特食，咩都試下啦！傳統一定會叫嘅有瑞典肉丸、蔬菜薯餅、鷄翼。試下新野亦叫左素菜肉丸、芝士番茄長通粉、酥皮龍蝦湯。
瑞典肉丸就一如以往地好食架啦，香口肉丸配上肉汁醬，仲有我中意嘅薯蓉做底，名副其實嘅IKEA招牌菜！然後蔬菜薯餅都係我嘅摯愛，味道唔多講啦都係一樣甘好食。而鷄翼反而我平時少叫，今次叫亦唔覺得特別，有d硬同割口，我麻麻地。然後到新野啦！素菜肉丸嘅評價係……好難食。真係好難食，接受唔到。我唔確定會唔會有人好中意食三色豆然後好中意呢個素菜肉丸，但個人認爲呢個係難食到擺唔到入口。然後芝士番茄長通粉，係凍架！我覺得如果整反熱又溶到反d芝士嘅話可能會OK嘅，但宜家呢個凍度我真係比唔到評語。最後酥皮龍蝦湯，呢個好食！宜家真係好少地方仲會有酥皮龍蝦湯，雖然係呢度都係特別期間限定先有，但都好開心食到，而且係好食嘅。呢道菜係真正新鮮焗出黎，熱辣辣。將上面嘅酥皮浸落個湯度，索哂濃濃嘅龍蝦湯再食落去真係好好食！龍蝦湯内真係有小龍蝦肉，又幾好飲！
總結，呢到食野價錢就一定平架啦。至於食物味道就好壞參半啦，推薦招牌瑞典肉丸、蔬菜薯餅、酥皮龍蝦湯（如有）！
張貼
