影片
更多
2021-03-25
118 瀏覽
Affordable Hainanese Chicken Rice30蚊可以食啲咩？攞住30蚊，分分鐘連個米線加一個餸都未買到😭同朋友無意中行經女人街，發現呢間隱世小店。30蚊已經可以食到一盒新鮮即整嘅海南雞飯，出品仲好唔錯🥳又到月底，簡直係月光族福音！🐤海南雞飯 $30正宗嘅油飯配埋咁多塊雞性價比真係好足👍🏻油飯中間仲夾雜咗香料，可見真材實料，個味索咗啲雞汁味，真係好正😋個醬微辣清新開胃，而且雞肉非常鮮嫩，食落去好滑溜，一啲都唔鞋。🐷豬手飯 $30女仔養顏，一定要食下豬手啦~佢哋嘅豬手炆得好腍，而且膠原好豐富，味道校得啱啱好，唔會淨係得好重嘅醬油味，加埋油飯一齊食，實在太滿足。🥢淨豬手 $80因為豬手炆得太好食，所以都忍唔住再嗌咗多份。🥗青木瓜沙律 $12木瓜絲食落去好新鮮，不過食慣清淡嘅我，就覺得個汁重手咗少少~🥭芒果糯米飯 $18估唔到我食完一盒飯之後仲有quota食哂成盒糯米飯🤩佢哋嘅糯米飯都非常之有心思，有紅同黑糯米兩種，因為加咗椰汁，所以個飯非常香濃，煙煙韌韌。而且上邊仲有幾塊新鮮嘅芒果，十幾蚊真係俾得好足料🙆🏻♀️30蚊一個咁豐富足料嘅飯，真係令我驚訝咗好耐🧐一路食，都見
30蚊可以食啲咩？攞住30蚊，分分鐘連個米線加一個餸都未買到😭同朋友無意中行經女人街，發現呢間隱世小店。30蚊已經可以食到一盒新鮮即整嘅海南雞飯，出品仲好唔錯🥳又到月底，簡直係月光族福音！
🐤海南雞飯 $30
正宗嘅油飯配埋咁多塊雞性價比真係好足👍🏻油飯中間仲夾雜咗香料，可見真材實料，個味索咗啲雞汁味，真係好正😋個醬微辣清新開胃，而且雞肉非常鮮嫩，食落去好滑溜，一啲都唔鞋。
🐷豬手飯 $30
女仔養顏，一定要食下豬手啦~佢哋嘅豬手炆得好腍，而且膠原好豐富，味道校得啱啱好，唔會淨係得好重嘅醬油味，加埋油飯一齊食，實在太滿足。
🥢淨豬手 $80
因為豬手炆得太好食，所以都忍唔住再嗌咗多份。
🥗青木瓜沙律 $12
木瓜絲食落去好新鮮，不過食慣清淡嘅我，就覺得個汁重手咗少少~
🥭芒果糯米飯 $18
估唔到我食完一盒飯之後仲有quota食哂成盒糯米飯🤩佢哋嘅糯米飯都非常之有心思，有紅同黑糯米兩種，因為加咗椰汁，所以個飯非常香濃，煙煙韌韌。而且上邊仲有幾塊新鮮嘅芒果，十幾蚊真係俾得好足料🙆🏻♀️
30蚊一個咁豐富足料嘅飯，真係令我驚訝咗好耐🧐一路食，都見到好多人嗌外賣或者入嚟堂食，出品已經跑贏價錢。如果大食啲嘅男仔，建議可以叫店主加多啲飯，因為真係好好食，我自己都食曬成盒XD
旺角掃街之餘，如果唔介意環境比較親民，呢一間小店都不妨一試😉
@bkkwatergatechicken
📍旺角女人街
張貼
