老掌櫃東北菜館 (已搬遷) 新店位置

一直都好鍾意食片皮鴨，最近有朋友同我講大角咀呢一間好出名，要預先訂枱，先至有得食架。咁我就兩星期前訂咗枱，今日終於都有得食啦。由於係兩個人嘅關係，叫咗一個小小嘅鴨，一份雞絲粉皮，同一杯豆漿就已經好夠。我最鍾意嘅係啱啱新鮮熱辣整出嚟嘅粉皮，嗰種麵粉嘅香同埋水蒸氣嘅味道包住有油淋淋嘅鴨肉，加埋清新嘅青瓜同埋有少少辣勁嘅洋蔥，再點埋啲醬汁，簡直味道上嘅層次， 我諗唔到有邊一種食物可以有咁豐富嘅味道，口感，俾人滿足嘅感覺。你問我呢一度嘅片皮鴨係咪好特別，我又食唔出好特別， 但我都會話好好食，因為我好鍾意食片皮鴨。至於，嗰個雞絲粉皮其實都係同喺街邊食嘅差唔多，冇乜大分別。成餐來講，其實價錢係重點，比起茶樓食，我覺得呢度有一種豪放，不拘小節的感覺，個份量都好大方。唯一一樣要講下嘅就係，啲枱嘅間隔好密，同埋個環境好嘈，如果要同朋友去傾計嘅話，要講到好大聲先至聽到。