興記茶餐廳

營業中

休息中

又係一大朝早去紅磡見客，去左一間係隆基大樓嘅【興記】茶餐廳食早餐，入面都坐咗8成滿既食客。叫咗一個健康之選早餐，意大利雜菜湯河粉，原嚟餐廳係用闊條粉做湯河，有質感唔似湯河咁腍啤啤，而食落個感覺又有啲似越南湯河，煎蛋就麻麻煎老左啲，個黃都有d死實實，但係都算係好香口，油包夠厚身，但冇比牛油而且有d乾身，呢間奶茶味濃香夠茶味，不過飲落有d苦澀味道，如果多加返少少奶更好，但係$30一個餐都根本冇野可以投訴。