龍泉冰廳

營業中

休息中

同友人經過銅鑼灣想手搵個地方食午餐，友人推薦入嚟話之前食過好食😋 同宜家大眾化嘅茶餐廳一樣，呢度都好多款色可以揀，而且好多都係推薦菜式，上餐夠晒快， 速食快餐黎講都算唔錯🔹松草花鴨腿湯飯除了鴨腿之外，配料樣樣都有啲：松草花、馬蹄、紅蘿蔔、杞子、紅棗。今次好好彩，鴨腿肉唔太柴，藥材味道剛剛好唔太濃，用湯撈飯感覺非常好🔹蝦醬生沙牛肉飯蝦醬味道非常濃郁，生炒牛肉飯好好味，鑊氣好十足，簡直好似大排檔炒出來一樣。友人平時都食唔晒，但呢個飯佢居然食晒👍🏻🔹特濃忌廉朱古力好明顯飲得出去特濃朱古力，師傅落手冇手軟，加埋上面嘅忌廉，飲到暢快🔹涼粉冰正常發揮，涼粉分量明顯好多，加埋凍椰汁，都幾好味。