影片
更多
2022-11-24
135 瀏覽
沙田食嚟食去都係嗰幾間？食悶咗譚仔beans同三哥？今次fatpigs想推介一間平價台灣便當~等糧尾嘅大家都食到台灣野😋三杯蜜汁烤雞排便當 $62餐廳係要喺出面嗌完先揾位，當日有一半空位，所以嗌完就有得坐。Fatpig嗌完之後都未坐定，便當就嚟到我面前。速度令人有啲驚訝🤔😅食落去所有嘢都係微溫，令到我一開始就有少失望，雞皮有小小脆但成塊雞扒唔熱😌唔係嗰啲超大塊嘅雞扒，不過份量適中，都切到五六舊。調味唔錯，冇雪藏味，仲食到微微嘅蜜糖味。要讚嘅係店家keep到表面香脆，入邊又可以保持嫩滑👍🏻配料方面，有炒粉絲、秋葵、粟米。炒粉絲味道單一偏油，主要都係豉油味，對於清淡型fatpig嚟講幾大負擔，成口油咁🥲秋葵唔錯，好少餐廳用秋葵做配菜，就係簡簡單單烚嘅秋葵😂不過唔係個個都食秋葵，好似唔夠friendly。粟米一般貨色，不過甜甜地可以balance吓便當嘅油膩~芙香蘋果茶 隨餐附送食便當會送一支支裝嘅茶~ 雖然只係茶包，但小編同友人都覺得好好飲！唔甜但係有蘋果味，好啱解膩！飲唔晒仲可以帶走添！咁嘅價錢同質素都算係咁，如果你冇咩錢又想食吓台式便當嘅話，呢間嘢係幾好嘅選擇！不過餐廳就算堂食都用全即
沙田食嚟食去都係嗰幾間？食悶咗譚仔beans同三哥？今次fatpigs想推介一間平價台灣便當~等糧尾嘅大家都食到台灣野😋
三杯蜜汁烤雞排便當 $62
餐廳係要喺出面嗌完先揾位，當日有一半空位，所以嗌完就有得坐。Fatpig嗌完之後都未坐定，便當就嚟到我面前。速度令人有啲驚訝🤔😅
食落去所有嘢都係微溫，令到我一開始就有少失望，雞皮有小小脆但成塊雞扒唔熱😌唔係嗰啲超大塊嘅雞扒，不過份量適中，都切到五六舊。調味唔錯，冇雪藏味，仲食到微微嘅蜜糖味。要讚嘅係店家keep到表面香脆，入邊又可以保持嫩滑👍🏻
配料方面，有炒粉絲、秋葵、粟米。炒粉絲味道單一偏油，主要都係豉油味，對於清淡型fatpig嚟講幾大負擔，成口油咁🥲
秋葵唔錯，好少餐廳用秋葵做配菜，就係簡簡單單烚嘅秋葵😂不過唔係個個都食秋葵，好似唔夠friendly。
粟米一般貨色，不過甜甜地可以balance吓便當嘅油膩~
芙香蘋果茶 隨餐附送
食便當會送一支支裝嘅茶~ 雖然只係茶包，但小編同友人都覺得好好飲！唔甜但係有蘋果味，好啱解膩！飲唔晒仲可以帶走添！
咁嘅價錢同質素都算係咁，如果你冇咩錢又想食吓台式便當嘅話，呢間嘢係幾好嘅選擇！
不過餐廳就算堂食都用全即棄餐具🥲碗、餐具、樽都係即棄，令人感覺好唔環保。建議餐廳可以轉番堂食碗，環保啲，食客對餐廳嘅觀感都會好啲👍🏻
張貼
