又一間餐室

營業中

休息中

在新蒲崗工厦區的一間平價食肆，食堂性質，所以只在工作日營業。難得公众假期，便與家人一同前來試吓。下午一點半入座有9折，於是4個人叫咗4個餐，結果再次證明我哋係眼阔肚窄。每個餐都跟有羅宋湯或面豉湯，湯同水都係自助。點完菜好快就上咗鰻魚飯，用竹制的便當盒，與別不同。鰻魚唔算大份，但幾腍幾入味。仲有配生菜沙拉同蒸蛋。海南雞飯的雞肉都幾嫩滑，飯就唔係我鐘意的泰國香米，有些失分。两份焗飯最後上，豬扒飯的茄汁並唔酸，幾好味。而龙脷柳就好柴同過咸，水準一般。