竹月亭 (已結業)

好多朋友都推介佢嘅原板海膽午市定食🍱，今日就特意黎到試吓佢係咪真係咁抵食，但好不幸前一日佢嘅原板海膽已經賣晒😢，要晚市先返貨，咁一場黎到唯有試吓其他先。刺身定食 $88午市套餐都包括左麵豉湯、前菜、沙律🥗同蒸蛋，當日由於蒸蛋賣晒就轉咗做芝士玉子燒🧀🥚。玉子燒甜甜加埋芝士火灸幾好食。刺身包括海膽、牡丹蝦🦐、三文魚、劍魚🐟同帶子，刺身都算新鮮，但唔係特別肥美同鮮甜，海膽都比較淡味，整體一般。值得一提嘅係佢碗飯🍚超大，食量比較大嘅朋友一定會夠飽，否則可以叫咗少飯先🍣。三色魚生（海膽、魚籽、帶子）$78由於魚籽賣哂，所以轉左牡丹蝦🦐。海膽比刺身定食嘅更加淡味，仲有啲啲苦澀。至於其他刺身都一般，而佢嘅飯量🍚都同樣好多，不過米飯就偏爛，都結成一舊舊，我就唔係咁鍾意。吉列廣島蠔 $28一共有三隻🦪，睇落去好飽滿，但咬開就會發現炸粉漿好厚而蠔仔好細。粉漿好漿口好似仲有啲未熟咁😓，唔建議叫。三文魚刺身 $38 凍咖啡 跟餐+$6三文魚係厚切，一共有三片，不過不失。凍咖啡☕️睇個樣都知比較淡，糖水味🍬太重，可以唔使叫。如果以呢個價錢黎講，我覺得尚算可以👌🏻。但如果唔係住係或行過附近，我諗唔會特意黎再幫襯。