Sweets House Cha Cha

營業中

休息中

Sweets House Cha Cha📍 沙田沙田正街18號新城市廣場一期2樓city'super內呢日約咗朋友去沙田新城市廣場嘅Paul Lafayet換crème brûlée，經過見到有條短短嘅人龍排緊隊，就被吸引咗去睇下有咩好食。原來大家係排緊隊買大判燒同雪糕，因為啲燒餅好香，賣相唔錯加上價錢實惠，我哋都排隊買埋一份。 💰$18吉士 🧇因為我哋會換一人一個crème brûlée，又唔係太肚餓，所以只係揀咗一個大判燒嚟試。佢喺用一個白色紙袋裝住，由於係新鮮出爐，所以拎到上手都仲熱嘅。去到朋友屋企，我哋用氣炸鍋整返熱佢，皮係香脆嘅，餡料亦都多，店舖話呢款係由日本直送嘅吉士，味道的確唔錯。唔知大家去台灣有無食過車輪餅呢？呢個大判燒同佢其實差唔多，不過個人認為車輪餅更香口好味。話雖如此，呢個價錢可以食到味道唔錯嘅日本甜點其實都幾抵，大家有興趣可以買個過下口癮。