影片
更多
2020-07-22
3676 瀏覽
❀ 食飯 #灣仔 ❀❗️平價正宗高質泰國湯麵 班蘭蛋糕有驚喜❗️——————————————————唔好以為九龍城先得正宗泰國菜，位於灣仔嘅呢一間「食飯」絕對係會充滿驚喜🤩裝修佈局、碗碟，以至泰籍員工都有種令你置身於泰國嘅感覺🇹🇭我覺得更加抵食過曾經試過獲得米芝蓮推介嘅泰國餐廳Samsen🤭有更多選擇、更平、感覺更正宗！.有多款泰式船麵、飯、炒麵、沙律、甜品等等選擇，最出名嘅一定係泰北咖喱湯麵🌟另外特別推介新款嘅椰子斑斕蛋糕。.✷𝑀𝑒𝓃𝓊✷☞泰北咖喱湯麵🍜$78辣辣地夠晒濃郁，帶有少許椰子味。湯麵可以選擇河粉、金邊粉、米粉、蛋麵，推薦蛋麵，粗身索晒啲咖喱汁👍🏻👍🏻👍🏻仲有一隻大雞髀喺入面🍗煮到超腍，用筷子都輕鬆拆到肉，而且非常嫩滑，推介！味道: 4.3/5 性價比: 4/5.☞泰式豬手湯粉🐷$78湯底有啲似甜滷水汁，建議選擇河粉，非常闊身，而且比一般港式河粉煙韌少少，同樣索晒啲湯👍🏻內裏仲有大量豬手，肉質夠腍夠入味，豬手皮入口即溶得來有少少爽口，的確唔錯。味道: 4.2/5 性價比: 4/5.☞泰式鯷魚及鹹蟹青木瓜沙律🥗$68見呢度嘅青木瓜沙律幾特別，有得配鯷魚/&鹹蟹，不過當日嗰碟就淨係
❗️平價正宗高質泰國湯麵 班蘭蛋糕有驚喜❗️
——————————————————
唔好以為九龍城先得正宗泰國菜，位於灣仔嘅呢一間「食飯」絕對係會充滿驚喜🤩裝修佈局、碗碟，以至泰籍員工都有種令你置身於泰國嘅感覺🇹🇭我覺得更加抵食過曾經試過獲得米芝蓮推介嘅泰國餐廳Samsen🤭有更多選擇、更平、感覺更正宗！
.
有多款泰式船麵、飯、炒麵、沙律、甜品等等選擇，最出名嘅一定係泰北咖喱湯麵🌟另外特別推介新款嘅椰子斑斕蛋糕。
.
✷𝑀𝑒𝓃𝓊✷
☞泰北咖喱湯麵🍜$78
辣辣地夠晒濃郁，帶有少許椰子味。湯麵可以選擇河粉、金邊粉、米粉、蛋麵，推薦蛋麵，粗身索晒啲咖喱汁👍🏻👍🏻👍🏻仲有一隻大雞髀喺入面🍗煮到超腍，用筷子都輕鬆拆到肉，而且非常嫩滑，推介！
味道: 4.3/5 性價比: 4/5
.
☞泰式豬手湯粉🐷$78
湯底有啲似甜滷水汁，建議選擇河粉，非常闊身，而且比一般港式河粉煙韌少少，同樣索晒啲湯👍🏻內裏仲有大量豬手，肉質夠腍夠入味，豬手皮入口即溶得來有少少爽口，的確唔錯。
味道: 4.2/5 性價比: 4/5
.
☞泰式鯷魚及鹹蟹青木瓜沙律🥗$68
見呢度嘅青木瓜沙律幾特別，有得配鯷魚/&鹹蟹，不過當日嗰碟就淨係鹹蟹，唔清楚係咪店員比錯🙈不過其實只係喺青木瓜沙律上擺一啲細細隻蟹蓋、蟹腳，無肉但係啜嘅話會有少許鮮味🤓味道同樣用上泰式酸辣魚露等等，正常發揮冇乜特別，不過都幾辣㗎！
味道: 3.7/5 性價比: 3.5/5
.
☞蟹肉奄列🦀$88
見到好多人推薦呢度嘅蟹肉奄列，不過想像中有啲出入😶奄列係半煎炸，有啲脆身，但略嫌有啲乾。內裏有唔少蟹肉，而且係蟹鉗咁樣大大嚿，但成個奄列咬落去就唔太食得出蟹嘅鮮味，比起粉麵遜色少少🙈。
味道: 3.3/5 性價比: 3/5
.
☞ 椰子斑斕蛋糕$68
呢個真係世界級咁好食🌟🌟🌟簡直係我食過最香濃嘅斑斕蛋糕，表面仲要有爽口嘅椰子肉，中間夾雜着椰子cream🥰成個蛋糕極之moist，一入口椰子同斑斕嘅味道喺口中散開，極之好味😋！
味道: 4.8/5 性價比: 4.7/5
.
整體來講非常推介呢一間泰國餐廳👍🏻👍🏻👍🏻尤其係佢哋嘅粉麵同埋椰子蛋糕，價錢唔貴，嘢食又正宗，絕對值得去！
泰北咖喱湯麵
$78
71 瀏覽
0 讚好
0 留言
泰式豬手湯粉
$78
102 瀏覽
0 讚好
0 留言
蟹肉奄列
$88
67 瀏覽
0 讚好
0 留言
泰式鯷魚及鹹蟹青木瓜沙律
$68
52 瀏覽
0 讚好
0 留言
椰子斑斕蛋糕
$68
109 瀏覽
0 讚好
0 留言
泰北咖喱湯麵
$78
182 瀏覽
0 讚好
0 留言
張貼
