嘉寶漢堡 (已搬遷) 新店位置

嘉寶漢堡價錢超級親民，漢堡好足料抵食，性價比高，所以長期都好多人排隊，就算入座後都要等一段時先有得食。今日下午時間黎到，都等左大半個鐘先有得食。烤布利芝士牛堡 $50漢堡套餐加$15可配有飲品同一款小食，可以簡薯條、薯格、燒賣或者炸燒賣。烤布利芝士厚厚的一塊，表面燒得金黃香脆，入面既芝士好軟熟，有淡淡既芝士味。漢堡扒好厚身juicy，味道好香口，成個配搭好好食。粗身薯條係新鮮炸起，熱辣辣好脆身，都好好食。