嵐石 - 海鮮&牛扒餐廳 (已結業)

海景餐廳一向俾人感覺都比較貴 但係赤柱依間餐廳下晝食半自助餐 都只係每人唔使$250，你就可以享有海景位置，一個主菜，同埋沙律甜品湯品等等嘅選擇。於是我哋叫咗一個漢堡包同埋一個炸魚薯條，炸魚薯條都不過不失，漢堡包更加係份量十足。另外出面嘅半自助選擇亦都好多 包括有湯，仲有唔同類型嘅芝士，煙三文魚，巴馬ham, 六到八款沙律，不限時咁樣俾你任食，甜品嘅質素每一款都好好食，設有水果巴，菠蘿同埋西瓜最啱就係熱辣辣咁樣食啦。