紅蔥頭 (已結業)

大約幾個月前來這店食過，今晚再來試下佢d水準有冇差左。我點了薯條丶鮮菌意大利飯丶鮮茄大蝦墨魚汁面。跟餐有面包和羅宋湯，面包和湯都夠熱，湯唔會太稀而且頗多菜，正。薯條係即炸，好熱，仲要係冇鹽，我like！上面放了酸忌廉，不過如果酸忌廉可以另上更好。鮮菌意大利飯係一個忌廉汁的飯，飯煮得軟硬適中，汁唔會過多，係每粒飯也有汁，忌廉味一般，鮮菌其實得好少好少，不過好彩仲有幾條露荀。鮮茄大蝦墨魚汁面我覺得最好食，個蕃茄汁酸酸甜甜好開胃，大蝦煎過好香又d肉冇霉，墨魚汁面的墨魚汁味係食唔到，比茄汁遮了！面烚得剛好，不會太淋。