Joyful Dessert House (已結業)

瞓醒已經八號風球，以為星期日要全日留係屋企，點知一點半已經落波，即時約朋友去書展，迫左半日朋友話無乜胃口食飯，就搵下附近有咩甜品食啦，就搵到黎呢度喇。餐廳門口已經寫住米芝蓮推介食品，好彩都唔係好多人，唔駛等位就有得食。朱古力心太軟 :朋友最愛食心太軟，餐廳推介綠茶心太軟，但始終鍾意最傳統既朱古力味。由於係即叫即整，所以都等左十五分鐘，但店員捧上檯時，已經聞到好香朱古力味。切開心太軟後，暖暖既朱古力漿就慢慢流出，香濃既朱古力心太軟配埋滑滑既雲呢拿雪糕，非常好味。芒果窩夫 :顏色鮮艷既芒果雪糕配埋烘得甘黃既窩夫，賣相已經非常吸引。窩夫烘得香脆，加埋雪糕同鮮甜芒果粒，唔駛落糖漿都已經夠甜啦。埋單每人都係60蚊左右，可以食到米芝蓮推介食品，可謂物超所值。