九井食堂 (香港仔中心) (已結業)

今日同同事去完香港仔做嘢經過呢間香港仔中心嘅九井食堂就食餐飯啦 餐廳地方好大 座位都夠多 用咗日式嘅裝修令人好似置身日本咁 芝士雜菇牛肉鍋定食 必點必點呀 下面個汁酸酸甜甜十分開胃餸飯1流 牛肉分量多一啲都唔肥索曬啲汁 上面仲有勁多嘅拉絲芝士 超邪惡呀鹽燒日本油甘魚鮫 燒得外脆內嫩仲好多肉汁 同時仲好香魚油味 健康人士唔可以錯過芝士年糕 同樣外面脆卜卜入面軟糯 加上香濃嘅芝士醬 天作之合牛肉壽喜燒 湯底味濃郁牛肉分量都幾多放落壽喜燒湯底淥一淥即刻食得 終於唔使食連鎖嘅日式快餐店啦最後 仲追加咗特上牛肩胛 滑雞肉 仲包咗個烏冬 質地煙韌索曬湯底嘅味道超正