Ideas Dessert (已結業)

復活節第一日假期，我地就俾肉餅雷到，晚飯唔好食，感覺唔滿足，就更加係一個食甜品嘅大好藉口！呢間點點甜都想食左一段時間，有次經過旺角分店，店面位置較少，客人又多，放棄左。難得今日喺荃灣呢頭，乘機試埋啦。荃灣店比旺角位置多好多，雖然都唔係大大間，但起碼會坐得較舒適。小店設最低消費，想share食嘅朋友留意~甜品選擇豐富，有大熱嘅紫薯、芋圓甜品，另外有軟雪糕、中式糖水、芒果系列甜品、刨冰、芭菲、西式甜品例如心太軟、千層酥、窩夫等，花多眼亂，隨時選擇困難症發作，定價合理。大部分甜品都設追加選項，即係以唔同價錢加配料，例如+$4紅豆、小丸子；+$6芋圓；+$10雪糕，富彈性。芋圓丸子紅豆沙 $26一上枱真係有少少顎然，因為同圖片睇起上黎，分別頗大，完全見唔到芋圓嘅蹤影。好在用匙更搞勻後，啲配料都出番哂黎，猜想店家可能係先落芋圓，後加紅豆沙，變相紅豆沙將芋圓淹沒左。紅豆沙味道就冇乜特別，但由於質地稠身，食落都有飽肚感。配料豐富，份量都算多，有地瓜圓、芋圓、小丸子、紅豆。芋圓、地瓜圓煙韌度一般，實左少少，而且本身冇乜味道。小丸子反而比較淋身，更有嚼勁。整體黎講，芋圓紅豆沙就冇乜驚喜，但勝在價錢平，料