韓家莊韓式燒烤 (已結業)

由細到大都幾鐘意食韓燒，但近年新派韓燒價錢都唔平，如果係咁我不如食日式燒肉啦。所以一啲比較舊式或者係平價嘅韓燒始終有一定嘅市場。今晚約左幾個都好鐘意食韓式燒烤嘅朋友，去左位於佐敦嘅「韓家莊韓式燒烤」食餐飽嘅。餐廳位於商場5樓，一出lift就已經見到，無論門面或者係餐廳裡面，光線充足，而且地方都幾大，大部分係卡位為主，望落乾淨。我地四個人身型都大件頭，被安排坐四人卡座，都唔會好逼。安頓好後，我地就二話不說睇下有咩好野食呢度係以一個價錢放題任食任飲，連埋加一，每位二百蚊左右，都幾抵食。咁我地見到有刺身，壽司，沙律，同一啲熟食，例如咖喱炒蟹，炒蜆，韓式煎餅，春卷，甚至炆豬腳薑都有。當然湯都有兩三款選擇，例如當日有海鮮冬蔭公湯同人蔘雞湯。至於韓式小食都唔少得，泡菜，芽菜，青瓜等等十幾款任你選擇。主菜燒烤配料方面，牛肉，牛仔骨，豬扒，辣豬肉，雞翼，魷魚，魚塊，多春魚，腸仔，煙肉，蔬菜，菇類等等。總共超過三十款，選擇好多。而且整體味道相當不錯。加上擺食物嘅凍櫃都好光猛乾淨，令人放心。至於食物味道方面，唔可以話有咩新奇特別，但係屬於中上水準，肉類都醃得好入味，唔洗點加調料都已經好食。而且店員服務都相