金太郎 (已結業)

今日路過見到呢間門面平凡，估唔到原來內裡有回轉壽司！！ 見有下午茶，價錢相宜，今次就試下呢間先~~~入到去不太多人，坐落見回轉壽司款式不多，來來去去都係個幾款… 都係叫個拉麵+一份壽司啦~拉麵先試湯底，冇咩豬骨味，食落似現成濃湯寶，不過呢個價錢唔好要求太多啦…叉燒有5塊，炙過，味道香口，厚肉，幾好味！拉麵淋身。但有個拉麵勁多芽菜……火炙三文魚壽司有兩件，炙燒過所以幾香口~塊三文魚完全感受到師父薄切功力深厚！整體而言，不過不失啦，呢個價錢唔好要求太多。