影片
更多
2020-04-23
698 瀏覽
今日專登嚟到天水圍一間區內名店食午餐，見到佢個set lunch 價錢範圍都係$50-$60左右，價錢十分親民，一坐低感覺就好似一般家庭式嘅餐廳，舖面細細但係就有一份人情味所在，雖然佢個廚房唔係話好大，但係人手都夠多，所以overall上菜嘅速度都係快，我覺得呢樣都可以話係一間餐廳維繫質素嘅一個重要一環，因為始終都係要人手多，先至可以維持到食物嘅質素，所以呢一點我覺得係值得加分嘅。首先就嚟咗個西湯，今日嘅西湯就係忌廉湯，飲落去個味好濃，但係食到佢入邊落左啲薯仔蓉，雖然唔知係唔係真係落咗薯仔，飲落去個湯會好似好濃味咁，但係個味其實係好食嘅，所以我依然都係會覺得餐廳嘅形象好好啊！我哋叫咗兩個午餐，卡邦尼意粉其實整得好食嘅，佢嘅味都好足夠，但係一般整西餐或者意粉來講卡邦尼其實都係一個好安全嘅食物，因為好難話有一間會特別整到好難食，因為始終都係一甖醬放落去都已經係嗰隻味，但係佢呢間就整到OK嘅，食得出係算係上品嘅卡邦尼意粉，因為佢都算係好濃，起碼食得出係真材實料嘅，但係食落口就感覺到有少少滯，不過佢依間野個份量都好大，所以食完都覺得好飽肚，但係因為基於呢個意粉好難整到好難食，所以我就對呢個意粉
首先就嚟咗個西湯，今日嘅西湯就係忌廉湯，飲落去個味好濃，但係食到佢入邊落左啲薯仔蓉，雖然唔知係唔係真係落咗薯仔，飲落去個湯會好似好濃味咁，但係個味其實係好食嘅，所以我依然都係會覺得餐廳嘅形象好好啊！
我哋叫咗兩個午餐，卡邦尼意粉其實整得好食嘅，佢嘅味都好足夠，但係一般整西餐或者意粉來講卡邦尼其實都係一個好安全嘅食物，因為好難話有一間會特別整到好難食，因為始終都係一甖醬放落去都已經係嗰隻味，但係佢呢間就整到OK嘅，食得出係算係上品嘅卡邦尼意粉，因為佢都算係好濃，起碼食得出係真材實料嘅，但係食落口就感覺到有少少滯，不過佢依間野個份量都好大，所以食完都覺得好飽肚，但係因為基於呢個意粉好難整到好難食，所以我就對呢個意粉都係符合我心目中嘅要求啦。
但係重點要講下另外一個蕃茄雞扒扁意粉，呢個就可以話係扁意粉來講佢整到好好食，因為一開始我印象中其他西餐廳整嘅扁意粉都係好淡而無味，所以其實我一開始都唔敢對佢抱有好大嘅期望，但係呢間一食落去就覺得佢個醬可能落得比較多，所以佢個味道係夠嘅，所以呢間餐廳都可以話係令到我對扁意粉呢一樣嘅食物係有所改觀嘅，所以我會覺得係有一個驚喜喺度，亦都係幫呢間餐廳加咗唔少分。
最後飲品方面我哋兩個都一齊加咗$10飲特飲，就係美祿泡泡龍，一般來講特飲佢都算係加得比較少嘅，但係我覺得美祿可以再濃啲，另外上面個忌廉根本就唔係甜忌廉，就係因為佢個美祿唔夠味，所以就顯得出佢杯嘢飲都係偏淡少少，算係做得有啲失色。
總括來講，因為佢個扁意粉真係整到好好食，另外仲有個男店員因為見我留低野，所以佢都行咗出嚟專登提我地留咗野，同埋俾返啲嘢我哋，所以就依點係值得加分嘅，所以最終呢間餐廳我都係會推介大家去！
卡邦尼意粉
$53
30 瀏覽
0 讚好
0 留言
美祿泡泡龍
$38
33 瀏覽
0 讚好
0 留言
張貼
