金龍冰室。 川湘菜

營業中

休息中

位於大埔新開張金龍冰室為川湘菜成主打，以酸菜魚、口水雞等為主打菜式。餐廳菜式眾多及價錢平民化，故此一到晚市非常旺場，大家想試的記得提早到場。餐廳裝修格局類似茶餐廳小菜店，由於主開張所以環境非常新淨企理，燈光鮮明。座位大多以卡位形式，非常寬敞又可以自成一角，整體感覺環境非常舒服。🌟　砂鍋雲吞雞 $98砂鍋雲吞雞非常足料，雞湯以黃油雞淆製，湯頭鮮甜，雞油嘅香味非常濃厚。 雞湯滲透哂入去雲吞及蔬菜，要飲多幾碗先夠喉。🌟　雜果糖醋鱸魚 $138糖醋鱸魚賣相精美，炸得香脆。酸酸甜甜嘅醬汁味道恰當好處，而且鱸魚份量十足，好食又抵食。🌟　招牌酸菜魚 $138酸菜魚湯底好鮮甜，魚肉滑身入口溶化。魚肉無骨，啖啖肉食得過癮。而酸菜分量適中亦令到湯底酸道保持合適水平。另外亦可以按自己需要加配料，而今次就加配咗鴨血及豬大腸，配料吸收湯底精華，美咪之餘亦令整碟菜式份量提升。🌟　乾扁四季豆 $68四季豆炒得乾爽，不油不膩，烹調時間唔會過火，顏色保持翠綠，食落無渣。味道辣辣非常惹味，配埋大量肉碎，送飯一流。