影片
更多
2020-03-09
8420 瀏覽
因為疫情，人人都減少飯局。今次亞妹牛一請食飯，揀咗位於中環建設大厦嘅富豪飯堂「好酒好蔡」Howard’s Gourmet 食私房菜貪呢度地方闊落，安全衛生，早個幾星期前亞妹已經訂咗間房。話時話，我哋一家人真係好耐無飯聚，盛情難卻，當然要去啦😋呢間中餐廳特別之處，係食咩你無得話事，全由廚師發辦，以當日新鲜食材嚟决定菜式！一入間房，就感受到一種氣派，餐廳以白色為主，配上水晶吊燈及桌上枱燈，特別光猛。六個人坐一張大枱綽綽有餘，超舒服加埋個無敵景觀，喺咁舒適嘅環境下食飯，重有亞妹支04年嘅Dom Perignon Brut香檳，美酒佳餚呢個侍應口中人稱為「蔡老師」嘅蔡昊係潮州人，據悉原本做化工廠，做飲食乃半途出家，佢利用學過的化學知識，研究出自己一套入廚秘技，創立「好酒好蔡」私房菜。佢嘅烹煮方式在於創新，掌握食材溫度，保留食物鮮味。不加味精，魚露或蠔油等調味料，純用鹽、糖、胡椒粉簡單調味，食材純天然搭配，强調食鲜配茶單叢茶特別之處係無咖啡因，飲咗唔會瞓唔到，清香前菜 兩款開胃前菜是潮州小食菜甫和醃製木瓜皮，可惜我一向不愛醃製食物，故提不起興趣。 暖胃湯是南瓜湯 ，侍應提醒小心熱，南瓜味濃郁，但
今次亞妹牛一請食飯，揀咗位於中環建設大厦嘅富豪飯堂「好酒好蔡」Howard’s Gourmet 食私房菜貪呢度地方闊落，安全衛生，早個幾星期前亞妹已經訂咗間房。話時話，我哋一家人真係好耐無飯聚，盛情難卻，當然要去啦😋
呢間中餐廳特別之處，係食咩你無得話事，全由廚師發辦，以當日新鲜食材嚟决定菜式！
一入間房，就感受到一種氣派，餐廳以白色為主，配上水晶吊燈及桌上枱燈，特別光猛。六個人坐一張大枱綽綽有餘，超舒服
加埋個無敵景觀，喺咁舒適嘅環境下食飯，重有亞妹支04年嘅Dom Perignon Brut香檳，美酒佳餚
呢個侍應口中人稱為「蔡老師」嘅蔡昊係潮州人，據悉原本做化工廠，做飲食乃半途出家，佢利用學過的化學知識，研究出自己一套入廚秘技，創立「好酒好蔡」私房菜。佢嘅烹煮方式在於創新，掌握食材溫度，保留食物鮮味。不加味精，魚露或蠔油等調味料，純用鹽、糖、胡椒粉簡單調味，食材純天然搭配，强調食鲜
配茶
單叢茶特別之處係無咖啡因，飲咗唔會瞓唔到，清香
前菜
兩款開胃前菜是潮州小食菜甫和醃製木瓜皮，可惜我一向不愛醃製食物，故提不起興趣。 暖胃湯是南瓜湯 ，侍應提醒小心熱，南瓜味濃郁，但湯不膩， 美味
頭盤
一口鮮（天婦羅九肚魚）
605 瀏覽
3 讚好
0 留言
九肚魚一口食完，炸得鬆脆香口,又全不覺油膩，碟柑桔汁有驚喜， 沾上更提升鱼肉鮮味
主角
招牌脆皮婆參
332 瀏覽
1 讚好
0 留言
海參做到外脆內軟，好似食緊花膠，口感軟糯，膠質豐富。特色在無加調味料，只靠上湯配襯，食到原味而零腥味，口感與以往食過嘅完全唔同，滋味無窮
侍應話個上湯係用瘦肉+老雞熬製，取其精粹，食落有好濃郁嘅肉汁味，馥郁醇鮮，留在舌尖上的味道，讓我回味不己
之後，侍應幫我哋換上熱普洱茶消滞，好貼心
侍應又細心提醒我哋小心熱。個湯啲眉豆燉得好焾。
配角
呢處菜式好袖珍，大胃王會唔夠食，好似去飲咁逐道菜慢慢上，需要優雅地品嘗，我哋由12点幾食到3点幾
豬油渣炒芥蘭
133 瀏覽
0 讚好
0 留言
豬油渣炸得香脆如煙肉，十分好吃, 芥蘭爽脆清甜，我鍾意差不多食到尾聲，發覺呢度食物無用高級食材，烹調手法平實，但簡單平凡中能帶出菜式嘅鲜美，相信食材新鮮係主要原因，加上烹調時間控制準確，每道菜都熱騰騰，有水準
主食
長壽潮州魚片粿條
106 瀏覽
0 讚好
0 留言
潮州鱼片粉，舖上芹菜粒及炸過的蒜粒，帶出蒜香及芹香，味道清新
甜品薈萃
開心果甜度適中，連同白蓮蓉疍黄壽桃，好配合 ，分量啱啱好，為這午餐劃上完美句號
開心果Mousse+迷你壽桃
87 瀏覽
0 讚好
0 留言
好酒好蔡嘅嘢食纯尚天然，原汁原味，好啱我口味，但區區普通菜式，竟然過千一位，六個人一席菜盛惠八千大元，有啲揦脷，唔怪得話富人一席飯，窮人成個月人工
好多謝亞妹，俾機會我哋見識到富豪嘅生活享受，讓大家一起有個黃金記憶球，感恩再感謝🙌🙏
張貼
