影片
更多
2007-07-03
12 瀏覽
前排實在太熱，加上放大假唔想四周走，有晚諗住不如係當時屋企附近食就算，醒起附近有一間食生蠔既餐廳，係呢度睇完食評後，見食評平均都幾好，就決定試一試。穿梭於浣紗街之間既小路，四周車房滿佈，如果唔係住係呢頭，都好難為意到呢間小店既存在。由於無訂位，只得返門口位，好彩未到太熱，於是就坐下來。餐牌上無太多既選擇，得1版。我地點左個生蠔拼盤、鴨干扁意粉同埋朱古力心太軟。個拼盤有10隻生蠔(5款x 2@)、2隻翡翠螺同埋2杯house white，都只係$298！本身比較怕有海水味既生蠔，所以同老闆講聲，老闆即刻回答會唔揀澳洲生蠔，態度幾好。先黎兩杯house white，本身對white wine真係麻麻，好怕個陣酸宿同腥腥地既味，不過食生蠔都係飲house white比較適合，於是乎就係無咩期望下試左一口... 咦，竟然無我好怕個陣味！通常要比較靚同貴既house white先至有呢個水準，估唔到隨拼盤附送既都有咁既水準！先黎一個驚喜！跟住再黎生蠔拼盤，通常都只會俾1-2舊檸檬，估唔到呢度好大方咁俾左6片之餘仲要砌得好靚呢！生蠔有大有細，但係平均水準都幾好，真係無我好怕既海水味，而且隻隻都係新
穿梭於浣紗街之間既小路，四周車房滿佈，如果唔係住係呢頭，都好難為意到呢間小店既存在。
由於無訂位，只得返門口位，好彩未到太熱，於是就坐下來。
餐牌上無太多既選擇，得1版。我地點左個生蠔拼盤、鴨干扁意粉同埋朱古力心太軟。
個拼盤有10隻生蠔(5款x 2@)、2隻翡翠螺同埋2杯house white，都只係$298！本身比較怕有海水味既生蠔，所以同老闆講聲，老闆即刻回答會唔揀澳洲生蠔，態度幾好。
先黎兩杯house white，本身對white wine真係麻麻，好怕個陣酸宿同腥腥地既味，不過食生蠔都係飲house white比較適合，於是乎就係無咩期望下試左一口... 咦，竟然無我好怕個陣味！通常要比較靚同貴既house white先至有呢個水準，估唔到隨拼盤附送既都有咁既水準！先黎一個驚喜！
跟住再黎生蠔拼盤，通常都只會俾1-2舊檸檬，估唔到呢度好大方咁俾左6片之餘仲要砌得好靚呢！生蠔有大有細，但係平均水準都幾好，真係無我好怕既海水味，而且隻隻都係新鮮開，好鮮甜！美國個隻仲要肥大肉厚，我自己一口都食唔哂呢！至於個翡翠螺就無咁出色，比較「韌」，反而係西環第三街個間BBQ好食好多~
食完後，就黎個鴨干扁意粉，意粉個texture處理得幾好，夠煙韌，而且用牛油黎炒，好香口，鴨干份量唔多，不過就有一粒粒白菌伴住食，口感都唔錯，不過我自己就略為多油，如果可以少油就更好~ $105就略為貴左少少，因為份量都幾少~
最後就係呢個朱古力心太軟，其實個碗仔入面有個vanilla雪糕架！不過我太心急，未影相就食左佢落肚，唯有咁樣影返俾大家睇啦！個雪糕都ok，個cake個皮就做得麻麻，不過個軟心都ok既~ 以$55黎講算不過不失了。
兩個人最後賣單$460左右，感覺上係相當唔錯，如果下次黎我一定會訂位，因為舖位好細，得4張檯咋！呢個天氣一定要坐入面先好~ 我下次都會再試個生蠔拼盤同埋試埋其他野呢！
其實我之後都仲有去食多次，不得不提既係佢既凱撒沙律！真係係出面未必食到呢！無論汁醬、面包粒、煙肉粒都係自家製，再加埋粒粒芝士，真係食到唔停得口呢！
張貼
