心煱 (已結業)

上星期去咗太子食飯，食完飯梗係周圍行吓睇吓先回家，咁啱又俾我係附近見到有間火鍋店，價錢合理又經濟實惠，咁咪約埋D為食朋友一齊食，位置係太子地鐵站C2出口向前行就會見到好大塊廣告牌，門口就係隔離好易搵到上一樓搵咗位坐好自然先攞飲品款式都有十多款口味。就開始任飲任食四部曲，先來係第一部曲蒸生蠔1人1隻，店員攞咗蒸籠放係電磁爐上面蒸，重有個計時器放便大家計時間幾時蒸熟，又幾細心，蒸咗大約十分鐘內就食得，生蠔肉質尚算肥美，不過不失到第二部曲係燒乳鴿1人半隻，熱辣辣乳鴿燒得非常甘香，乳鴿肉質嫩滑又夠味第三部曲係雞煲要咗芝士味道，未食已聞到香濃芝士味，雞肉滑嘟嘟煮得相當入味，連配菜青椒紅椒同洋蔥食落一樣咁滋味第四部曲任食火鍋正式起動，湯底點咗新口味泰式冬蔭功湯鍋，湯底已呈現深濃紅色，食落應該幾嘢味，至於配料豬，牛類梗係必食首選，其次手打制自家丸質素有保證肉丸肉質鮮嫩又彈口，雲吞同餃子一樣有質素用料足，至於其他食材都不過不失，食到尾升梗係要食番杯雪糕當甜品最後梗係食到肚飽飽，咁嘅價錢有咁質素已好滿足。