影片
更多
2017-09-13
1880 瀏覽
又黎8度食tea!因為哩度既芒果拿破侖真係令我食過番尋味😍 重點係價錢超抵！唔洗一百蚊就嘆到afternoon tea set，真係唔係間間酒店都做得到嫁！芒果下午茶…用英式典雅既三層下午茶架盛載，未食已經引死人！ 哩間酒店推出左好多款用芒果為主題既美食，仲嚴選左菲律賓呂宋芒，香滑多汁既芒果肉，真係啖啖都充斥住芒果既香氣。頂層…焦點當然喺得獎甜品芒果拿破崙啦！薄脆鬆化既酥皮中間唧左兩層香濃嫩滑既吉士忌廉，同厚切芒果粒完美配合，個人建議要用手食，再大大啖咁咬，咁先係食拿破侖至正既食法，可以咬哂每一層之餘又唔會叉爛哂😋仲有鮮芒果法國忌廉蛋糕同埋香芒雪梅娘，兩款芒果粒同樣甜美！蛋糕超軟熟，雪梅娘皮又夠煙韌！中層…焗英式鬆餅，外層微脆，成個都好鬆，唔會太乾，溫熱既鬆餅仲配埋唧花牛油同埋士多啤梨果醬添。底層…芒果蝦開面三文治、芒果蟹籽手卷，兩款咸味冷盤都有芒果，配搭起黎都幾新穎，又帶幾分小清新！旁邊仲有…脆香雞寶伴鮮芒果沙沙，芒果沙沙醬集甜、咸、酸於一身，當堂換醒我每一個味蕾呀！雖然雞寶同麥來雞差唔多，不過點埋個醬就即刻截然不同喇！仲有人氣芒果芝士撻，香濃既芝士餡滲透住陣陣芒果味，味道天然，口感
芒果下午茶…用英式典雅既三層下午茶架盛載，未食已經引死人！ 哩間酒店推出左好多款用芒果為主題既美食，仲嚴選左菲律賓呂宋芒，香滑多汁既芒果肉，真係啖啖都充斥住芒果既香氣。
頂層…焦點當然喺得獎甜品芒果拿破崙啦！薄脆鬆化既酥皮中間唧左兩層香濃嫩滑既吉士忌廉，同厚切芒果粒完美配合，個人建議要用手食，再大大啖咁咬，咁先係食拿破侖至正既食法，可以咬哂每一層之餘又唔會叉爛哂😋仲有鮮芒果法國忌廉蛋糕同埋香芒雪梅娘，兩款芒果粒同樣甜美！蛋糕超軟熟，雪梅娘皮又夠煙韌！
中層…焗英式鬆餅，外層微脆，成個都好鬆，唔會太乾，溫熱既鬆餅仲配埋唧花牛油同埋士多啤梨果醬添。
底層…芒果蝦開面三文治、芒果蟹籽手卷，兩款咸味冷盤都有芒果，配搭起黎都幾新穎，又帶幾分小清新！
旁邊仲有…脆香雞寶伴鮮芒果沙沙，芒果沙沙醬集甜、咸、酸於一身，當堂換醒我每一個味蕾呀！雖然雞寶同麥來雞差唔多，不過點埋個醬就即刻截然不同喇！仲有人氣芒果芝士撻，香濃既芝士餡滲透住陣陣芒果味，味道天然，口感仲好幼滑添。仲有焗黑松露薯蓉…面頭仲有層芝士，底下就係混入左好香既黑松露醬幼滑薯蓉！
Afternoon tea set仲配埋鮮芒果沙冰，味道冇原粒芒果咁甜，帶微酸，應該係加左檸檬汁？不過酸酸甜甜既飲品仲要係沙冰！感覺即刻涼透心！真係為哩餐香芒之旅劃上完美既句號呀！😜
記住喺酒店eｰshop 買！優惠好多嫁！
芒果下午茶
107 瀏覽
0 讚好
0 留言
頂層
59 瀏覽
0 讚好
0 留言
中層
41 瀏覽
0 讚好
0 留言
底層
34 瀏覽
0 讚好
0 留言
雞寶、焗黑松露薯蓉、香芒芝士撻
44 瀏覽
0 讚好
0 留言
焗黑松露薯蓉
43 瀏覽
0 讚好
0 留言
香芒芝士撻
42 瀏覽
0 讚好
0 留言
香芒沙冰
42 瀏覽
0 讚好
0 留言
張貼
