影片
更多
2008-01-14
19 瀏覽
早前係Open rice搵地方同未婚妻食平安夜聖誕餐，見到呢間cafe評價同地點都唔錯，打電話去問過個menu同價錢都ok，所以走去預先落左訂。價錢係$198/位，我覺得係TST都叫合理，去落訂時個男經理好有禮貌，我問可唔可以留個窗口位都冇問題，唔似第二d餐廳只話盡量安排，呢度講左係有就係有。24號晚到達時八點幾，男經理招呼幾好，當然係有窗口位喇！未婚妻見到環境幾好，每枱有蠟燭，價錢又唔算太貴(因為唔想係結婚前用咁多錢)，佢都幾滿意，初期都唔算太嘈，後來有張大枱到左成班人就熱鬧左d，不過都可以接受。講番食物，有ABC三個set，我地叫左B set龍脷柳同C set牛扒。先來三文魚火雞沙律，d菜真係好新鮮，三文魚同火雞就正常，聖誕節有火雞食都幾應節。龍蝦湯就好濃好足料，呢個價錢有咁既湯都算幾好。主菜龍脷柳同牛扒就一般左d，龍脷柳算正常魚柳咁喇，隻大蝦就中型size味道一般，塊牛扒質素就差左d，有d似大家樂o個種級數，不過味道係唔錯，兩隻蠔一隻波菜芝士一隻煙肉芝士，都算幾好味，size就係中小型，值得一讚係d薯仔粒伴菜好好味，我地兩個都食清晒隻碟。甜品cheese cake幾好食，好有質感
價錢係$198/位，我覺得係TST都叫合理，去落訂時個男經理好有禮貌，我問可唔可以留個窗口位都冇問題，唔似第二d餐廳只話盡量安排，呢度講左係有就係有。
24號晚到達時八點幾，男經理招呼幾好，當然係有窗口位喇！未婚妻見到環境幾好，每枱有蠟燭，價錢又唔算太貴(因為唔想係結婚前用咁多錢)，佢都幾滿意，初期都唔算太嘈，後來有張大枱到左成班人就熱鬧左d，不過都可以接受。
講番食物，有ABC三個set，我地叫左B set龍脷柳同C set牛扒。先來三文魚火雞沙律，d菜真係好新鮮，三文魚同火雞就正常，聖誕節有火雞食都幾應節。龍蝦湯就好濃好足料，呢個價錢有咁既湯都算幾好。主菜龍脷柳同牛扒就一般左d，龍脷柳算正常魚柳咁喇，隻大蝦就中型size味道一般，塊牛扒質素就差左d，有d似大家樂o個種級數，不過味道係唔錯，兩隻蠔一隻波菜芝士一隻煙肉芝士，都算幾好味，size就係中小型，值得一讚係d薯仔粒伴菜好好味，我地兩個都食清晒隻碟。
甜品cheese cake幾好食，好有質感，好rich o個種。另外餐飲加$28轉左做cocktail，好好飲又算夠酒味，好過
和民個d淡到好似飲果汁咁。
服務就好好，個男經理一路保持禮貌，另外有位女侍應又係有禮貌，唔似得有d餐廳過時過節就趕頭趕命咁既態度，重有我地坐左個窗口位成兩個鐘，之後有班客人成六七位要我地同隔離兩張枱合埋先夠位，個女侍應好有禮貌咁問我地介唔介意調枱，我自己覺得呢個日子坐咁耐都有d唔好意思，所以調左去另一張枱重坐多成個鐘，o個位女侍應幫我地調左枱後重不停咁講左好多次唔好意思，其實係我有d唔好意思就真，因為最後由八點幾坐到十一點多d。
總括來講呢個價錢，係呢個地點同環境算係唔錯，食物係個主菜扣左d分，其餘d食物同飲品都幾好，服務又好，值得推介一o下同再來過。
張貼
