影片
更多
2019-02-18
2114 瀏覽
今日下午同家人到荃灣食個晏, 見呢到既價錢又唔貴, 所以黎試下. 坐車出緊去既時候, 已經打定電話去訂枱, 好彩有book位, 因為我地坐低冇耐, 見有些walk in 客人已經冇位了. 坐低後先睇下揀咩main course, 我地點左: 雜菜磨菇pizza $118和牛漢堡配薯條 $148之後就出去拎自助野食了. 有自助茶水部: 有咖啡 , 檸水. 但如果要凍飲, 每杯加$5.兩款湯有兩款: 南瓜忌廉湯: 呢個味道幾香滑, 不過羅宋湯就麻麻, 味道好淡好稀, 不過入面有些雜菜粒食下.沙律: 有自家調製既, 亦有已調製的, 有用上沙律醬撈混既薯仔椒絲沙律, 薯仔粒未夠腍, 食落有點硬, 入面有些椒絲, 食落又幾爽口. 仲有些火腿, 芝士選擇. 仲有水果朱古力噴泉.有些熱食, 主要係腸類、炸薯餅、炒滑蛋、烚蛋、煙肉、茄汁豆、粟米~~ (好早餐)有兩款甜點: 朱古力小蛋糕, 泡芺. (不過未有試到)自制格仔餅:原本有教整既做法, 不過跟足後發現完成品較硬, 痴住個鐵板, 所以拎出黎都散晒了, 但味道還可以, 因為有得塗鍊奶、花生醬作調味~~阿仔當脆脆餅乾咁食, 食得好滋味.麵包類 :隔離
坐低後先睇下揀咩main course, 我地點左:
雜菜磨菇pizza $118和牛漢堡配薯條 $148
之後就出去拎自助野食了. 有自助茶水部: 有咖啡 , 檸水. 但如果要凍飲, 每杯加$5.
兩款湯有兩款: 南瓜忌廉湯: 呢個味道幾香滑, 不過羅宋湯就麻麻, 味道好淡好稀, 不過入面有些雜菜粒食下.沙律: 有自家調製既, 亦有已調製的, 有用上沙律醬撈混既薯仔椒絲沙律, 薯仔粒未夠腍, 食落有點硬, 入面有些椒絲, 食落又幾爽口. 仲有些火腿, 芝士選擇. 仲有水果朱古力噴泉.
有些熱食, 主要係腸類、炸薯餅、炒滑蛋、烚蛋、煙肉、茄汁豆、粟米~~ (好早餐)
有兩款甜點: 朱古力小蛋糕, 泡芺. (不過未有試到)
自制格仔餅:原本有教整既做法, 不過跟足後發現完成品較硬, 痴住個鐵板, 所以拎出黎都散晒了, 但味道還可以, 因為有得塗鍊奶、花生醬作調味~~阿仔當脆脆餅乾咁食, 食得好滋味.麵包類 :隔離有烘焗爐俾你烘麵包.
主菜黎喇!pizza size都唔細, 好彩係薄餅底. 芝士好多, 介開一塊出黎時, 會有好多芝士拉絲! 因為呢個係素菜配料, 磨菇、茄子都大大舊, 好豐富!
賣相幾靚~
漢堡都好juicy, 肉質都鬆軟, 有半肥瘦既肉喺入面, 所以唔鞋口.
整體食物質素都唔錯, 價錢好相宜!又啱小朋友食.
題外話/補充資料：
因為小朋友食野飲野好論盡, 攪到成地好污糟, 更倒到成地都係水. 同職員講返唔好意思時, 佢地都好友善幫我地清潔返. 感謝佢地.
(以上食評乃用戶個人意見 , 並不代表OpenRice之觀點。)
張貼
