森記甜品之家 (已結業)

食完韓國午餐，見仲有大把時間至要夠鐘，路經此地見個雪櫃入面的涷甜品好似幾吸引，所以又來食甜品。裝修佈置都話俾人客知叱度有番咁上下歷史，的懷疑佢原先是一間茶餐廳，而後來才變成專賣糖水。款款甜品都幾平，大部份都在十蚊樓下。叫了雪耳木瓜糖水同腐竹糖水，天氣有點熱，所以全部都要涷的。我的雪耳木瓜糖水要11蚊，在這裡來說算是貴領糖水。木瓜幾清甜，亦有唔少雪耳，涼浸浸都幾好；同事們的腐竹糖水只8蚊，好平，味道聽佢地講亦不錯。見佢仲有蛋白燉奶同蜜棗雪梨糖水，都好似幾吸引。