影片
更多
2016-11-11
1136 瀏覽
早排見到呢間富臨漁港係唔同既團購平台都做緊推廣優惠。媽咪黎緊生日，之前仲諗到頭爆，唔知食乜好，我女朋友上網就見到佢地有個4人餐，岩岩好，我地同埋阿哥一行四人就去試試。（上網睇，全港 42 間分店可選，星期一至日適用，兌換都幾方便）好喇，講講個餐牌先，呢個4人大閘蟹海鮮盛宴（另有6人版）包左太湖大閘蟹（公） ( 4隻)、菊花五蛇羹（例牌）、古法蒸龍躉件、金銀蒜茸元貝（4隻）、鮮蟹粉浸翡翠菜苗、脆皮炸子雞（半隻）、生炒糯米飯，仲有甜品 桂花糕。價錢方面，4個人都只係$438，不過要留意佢條款，每張優惠劵佢會收返$43.8服務費，各位要預每個人150幾蚊埋單。首先，第一道餸就黎左四隻乳鴿（我諗呢個係餐牌上既炸子雞）其實都皮炸得幾脆，肉質方面都唔錯，幾滑，同埋有少少肥既油甘，我地都用晒手黎食，不過我地都覺得咸左少少，可以唔使點佢比既鹽。接住落黎，就係第二度菜，蒜茸元貝都有啲驚喜，因為開頭諗住佢會同原圖不符（咁平應該比啲細細隻掛心諗），但都ok大粒，加上本人比較鍾意陣蒜香味（食到口都臭埋都唔理啦哈哈），肉質都幾鮮嫩之後黎左一煲蛇羹同其他一般既蛇羹一樣，都係菇啊羹啊同啲雞絲為主，平平地不要求太高
媽咪黎緊生日，之前仲諗到頭爆，唔知食乜好，我女朋友上網就見到佢地有個4人餐，岩岩好，我地同埋阿哥一行四人就去試試。（上網睇，全港 42 間分店可選，星期一至日適用，兌換都幾方便）
好喇，講講個餐牌先，呢個4人大閘蟹海鮮盛宴（另有6人版）包左太湖大閘蟹（公） ( 4隻)、菊花五蛇羹（例牌）、古法蒸龍躉件、金銀蒜茸元貝（4隻）、鮮蟹粉浸翡翠菜苗、脆皮炸子雞（半隻）、生炒糯米飯，仲有甜品 桂花糕。
價錢方面，4個人都只係$438，不過要留意佢條款，每張優惠劵佢會收返$43.8服務費，各位要預每個人150幾蚊埋單。
首先，第一道餸就黎左四隻乳鴿（我諗呢個係餐牌上既炸子雞）
其實都皮炸得幾脆，肉質方面都唔錯，幾滑，同埋有少少肥既油甘，我地都用晒手黎食，不過我地都覺得咸左少少，可以唔使點佢比既鹽。接住落黎，就係第二度菜，蒜茸元貝
都有啲驚喜，因為開頭諗住佢會同原圖不符（咁平應該比啲細細隻掛心諗），但都ok大粒，加上本人比較鍾意陣蒜香味（食到口都臭埋都唔理啦哈哈），肉質都幾鮮嫩之後黎左一煲蛇羹
同其他一般既蛇羹一樣，都係菇啊羹啊同啲雞絲為主，平平地不要求太高吧，當暖下胃之後上一個豆苗
用蟹粉浸的，一向都喜歡食豆苗，因為夠鮮甜，加上蟹粉味個配搭唔錯，唯一講講既係可以再嫩少少就perfect。主角到場，太湖大閘蟹
用左好多時間，佢個蟹蓋都幾多膏，都甘香的，蟹腳同鉗都好夠肉，拆左好多好多出黎（呢個時候9點零，呢間鋪比較少人，冷氣凍到我地騰騰震，勸大家都著多件衫黎，因為佢地唔會幫你地校細冷氣），建議酒樓可為客人準備一碗用黎洗手既熱茶，會貼心少少。呢個係古法蒸龍躉件
份量都幾夠，呢啲煲仔上，擺左一輪都仲熱，腐竹幾入味，龍躉件都都多，而且啖啖肉尾二一道糯米飯忘了影相
呢個時候已經因爲慢慢剝蟹肉，仲有食完蟹膏種飽濟感覺，加上冷氣凍到一大碟既糯米飯不再吸引，但橫掂黎到，都費事浪費，照食，除左凍之外，味道是不錯的，而且不太硬身，如果熱食的話，算是不俗吧！
飯後甜品係呢個桂花糕
清清地，加埋紀子既味道，將成餐飯既咸味同油既感覺都清洗晒，不錯！總結黎講，味道係呢個價錢黎講，都算唔錯吧！不過野食一次過黎晒，搞到有幾道菜都凍左，而係咁少枱客既情況下，員工都唔係好想幫忙咁，感覺不太好，希望員工都留意留意！
張貼
