利小館 (已結業)

有時都係以品牌去選擇，今次試下這個副牌。冷盤要左醉雞，係隻雞脾黎，肉幾滑下，不過暖暖地，奇怪，無咩酒味，古怪，好普普通通的醉雞。燒排骨，得九件，睇落色水唔錯，燒骨味道夠，係真的覺得少了點。小籠包，皮厚厚，肉餡唔太特別，肉汁勁多，其實唔係多就好，今次覺得過左火。娃娃菜，D菇有D苦。菜肉雲吞麵，用上係日式拉麵，見張點心紙都係寫拉麵，無言，只是好奇點解用上日式拉麵。雪梨茶，見有凍供應，要杯，原來只係唔熱，唔係凍。杏仁茶，只有輕輕杏仁味，中規中矩。以食物水準計，真係跟同系集團水準有很大差距，對於服務也不太滿意，收我這價錢，沒有喊臉算是這樣。