燒烤堂 (已搬遷) 新店位置

睇完戲，同朋友附近搵到呢間串燒店。地方唔算大，座位唔算多，但都算坐得舒服。我地叫左唔少串燒，有牛舌，檸蜜牛油包，牛油蒜蓉焗金菇，海鮮等等。當中我地推薦韓式地道家庭料理生菜包-牛仔骨好入味，好鬆化，而且配菜份量好充足。另外麻辣雞翼都係值得一試！除左辣度好夠之餘，仲非常香口。至於其他串燒就覺得普普通通，牛油蒜蓉焗金菇燒得岩岩好，充滿牛油香，但就略嫌蒜蓉味唔夠重。檸蜜牛油包見外面好少見，所以試下，牛油太多，令到個包好快軟惗，唔太好味。海鮮方面，我地叫左燒元貝同蟶子，都尚算有海鮮既鮮味，但就燒既時間過長，令到兩者都太難咬開。其餘既串燒，例如牛舌，鱿魚鬚，雞軟骨則正正常常，沒太特別。飲料方面柚子蜜梳打同青檸波蘿梳打，兩耆唔算太甜，食串燒配梳打，一點都唔覺得油膩。