影片
更多
2022-05-01
4946 瀏覽
數以年計冇食過北京樓，今次係有人請先再食，詫異佢居然水準下降咗咁多。再咁落去遲早執笠。我寧願食對面間念川居。講吓佢發生咩事：1）服務訂唔到檯，迫人排隊，GULU App應該係廢咗武功，Click完一大輪入去，先話俾你知冇得訂，又唔俾拎飛。浪費時間。冇得訂好心唔好放Option出黎玩人啦。點餐有一本本既MENU，但入座又無講原來點心要另外响QR Code先有，一啲餸要睇MENU，一啲餸又要睇MOBILE, 兩邊內容唔同。咁都算，仲要點心分咗中國點心同中國北方點心，例如北京菜肉水餃咁，兩個類別都有佢，但係兩邊價、量又唔一樣架喎。User experience 極差。落單姐姐態度差又唔耐煩，分分鐘以為自己前世得罪咗佢。响佢極速收走Menu情況下，嗌少咗嘢，（都好o既。）2）飛蟲亂舞集團式經營應該對清潔有規範，點知成餐有飛蟲仔不斷飛舞。撥極都仲有，好忟。座位已經好入唔靠門唔靠廁所，咁Dirty係發生咩事？3）食物質素北京樓價錢唔平，食物質素一向都唔差，今日食既野卻係極差。生煎包，未掂佢已見表皮係裂開既，咬開入面完全冇汁，好乾，肉已經縮埋一住。好明顯唔新鮮（或者係雪過黎），唔好食。北京填鴨作為招
再咁落去遲早執笠。我寧願食對面間念川居。
講吓佢發生咩事：
1）服務
訂唔到檯，迫人排隊，GULU App應該係廢咗武功，
Click完一大輪入去，先話俾你知冇得訂，又唔俾拎飛。浪費時間。冇得訂好心唔好放Option出黎玩人啦。
點餐有一本本既MENU，但入座又無講原來點心要另外响QR Code先有，
一啲餸要睇MENU，一啲餸又要睇MOBILE, 兩邊內容唔同。咁都算，仲要點心分咗中國點心同中國北方點心，
例如北京菜肉水餃咁，兩個類別都有佢，但係兩邊價、量又唔一樣架喎。
User experience 極差。
落單姐姐態度差又唔耐煩，分分鐘以為自己前世得罪咗佢。
响佢極速收走Menu情況下，嗌少咗嘢，（都好o既。）
2）飛蟲亂舞
集團式經營應該對清潔有規範，點知成餐有飛蟲仔不斷飛舞。
撥極都仲有，好忟。
座位已經好入唔靠門唔靠廁所，咁Dirty係發生咩事？
3）食物質素
北京樓價錢唔平，食物質素一向都唔差，今日食既野卻係極差。
生煎包，未掂佢已見表皮係裂開既，咬開入面完全冇汁，好乾，肉已經縮埋一住。
好明顯唔新鮮（或者係雪過黎），唔好食。
北京填鴨作為招牌，個餅皮居然係完全唔熱既，
填鴨同樣唔夠熱，皮唔脆，鴨肉唔香口，完全冇入口即溶既油脂感，連擺盤睇落都有啲求其。
溫度係致命傷，唔夠熱已扣好多分。好Sad！
北京芝麻大餅，又係一個令人失望既點心，
炸既澱粉一般都唔會難食，但佢餡極少(看圖），芝麻炸完Suppose好香口，但佢又唔夠香。
我明佢價錢唔貴，但食過大都烤鴨個黃金芝麻餅之後，有比較，有傷害。
北京樓呢個輸九條街左右，冇下次。
蔥油拌麵
跟餐迫於無奈食咗呢個拌麵，同行者未上檯已講：呢個麵好難食架。
我心諗有冇咁誇呀，試咗一啖，原來真係惡夢黎。
一夾上手，成舊麵痴埋一住，其實睇張相都應該feel到有幾Overcook，成碗隔夜米線咁既樣
食到入口除咗成口都係油之外，冇其他野留低。
呢種麵好明顯唔適合攞黎做拌麵。
可以話我自己响屋企整都好食過佢。
宮爆蝦球
同行者話Size同以前比縮咗水，呢個我冇比較，不予置評。
味道OK，入口都彈牙。
總結
食完人均消費>250，然而食物質素對唔住呢個價，曾幾何時北京樓都係一個信心保證黎，旺角呢間都屹立多年，時至今日愈做愈差，連服務同清潔竟然都唔合格，真係唏噓，可唔可以把關得好啲？
張貼
