咖啡弄 (已結業)

之前去咖啡弄都要排好長隊先有得食，可能熱潮過去，平日中午時段去比較少人，唔使等就入得。每人必定要叫一杯飲品，我地叫咗一杯蜂蜜生薑茶($42)以及一杯玫瑰歐蕾($42)。玫瑰歐蕾嘅玫瑰味比較淡，似係一杯普通latte上添上玫瑰花的味道，沒有太多玫瑰嘅味道。 午餐方面，我哋試咗新出嘅墨爾本龍蝦堡 ($152) 龍蝦堡上鋪滿龍蝦肉，配上特製嘅沙律醬，味道唔錯。配菜薯仔亦有炸過，幾香口但唔會太油膩。 另外，芥末培根起司三文治 ($58) 有三件三文治份量豐富，芥茉醬以及芝士味道酸酸甜甜與咸味培根非常夾。