札幌拉麵 Miso No.1 x 辛味屋

營業中

休息中

話說嗰日我地睇完「多啦Ａ夢」就去搵嘢食啦，當時約莫夜晚八點左右，又唔算十分之肚餓。於是行咗一圈睇吓有咩選擇。荷里活廣場嘅食肆選擇都頗多嘅，結果我地都係揀咗食拉麵啦！估唔到呢個時間都有咁多人等位喎！等咗十分鐘，終於入得！入到去裡面坐低，就俾我發現到嗰部外型好醒目又靚仔嘅淨水機，因為我屋企都有用啊！店家真係識貨喇！之後就開始叫嘢食啦，我地點咗一個二人套餐，有主食同埋三款小食嘅。主食嘅拉麵不過不失，唔算太油同太鹹，但係又係冇半隻溏心蛋做裝飾，呢度扣咗少少分！另外小食方面，推介自家製嘅餃子，燒魷魚就一般般，但係就夠熱。至於燒牛舌，係完全唔掂，又乾又鞋又薄，下次想食燒牛舌要去幫襯正宗日本串燒店喇。