Fun Fun 串串鍋 (已結業)

任飲任食$158一位，呢個時勢真係超平！首先就可以選擇湯底、我怕好辣所以冇叫麻辣鍋。揀咗胡椒豬肚湯。呢度嘅湯底非常足料，味道好夠濃，加多幾次湯胡椒仍然非常辣。呢度火鍋配料可以寫紙，有肥牛、豚肉、芋絲、薯仔片、萵筍等等。另外出邊冰櫃亦都有唔同嘅火鍋配料有菜類、魚蛋、蟹子丸、芝士丸等等。串好一串串嘅亦都有好多款式，有雞翼、水魷魚、牛柏葉、紅腸、蟹柳等等，真係多到數唔晒。呢度嘅食材算唔錯，唔夠飽仲可以食個公仔麵、烏冬等等。我覺得呢度嘅肥牛質素算幾好，有牛味而且唔算太肥、肉質放題算幾好。除咗食物仲有多款飲品任飲、仲有阿波羅雪糕及豆腐花，呢個價錢咁多嘢食真係非常經濟！