鐵牛台灣牛肉麵 (金巴利道) (已結業)

鐵牛 - 尖沙咀今次去到尖沙咀搵食，突然想食下台灣野，經過見到鐵牛，於是選擇左鐵牛。原來金巴利道分店是位於地庫的舖位，面要行落一層先到餐廳位置，可能因為咁餐廳很大及位置都很空曠。裝修都幾靚，以木、植物及黑色為主調，整體感覺都幾舒適。唯獨是由於店舖位於地庫，所以基本上係收唔到網絡，但餐廳係以QR Code 落單，所以有啲矛盾。不過，餐廳都有提供WIFI服務。由於不想使用用公眾WIFI，店員都很貼心幫助落單點餐，值得一讚。麵攤肉燥湯麵 （古早排骨）$68先講講麵攤肉燥湯麵，豬扒炸得很香脆而且肉質比較結實，豬排帶有甜甜的味道。另外，湯麵麵質硬度適中，有微微彈牙，配上肉碎帶有鹹味，整體味道唔錯。大甲椰椰芋香 $15另外加左15$叫了一杯大甲椰椰芋香，甜度簡直係超級甜，而甜味是香芋精的死甜味道，所以香芋味很突出，而且有淡淡椰子香味。