越南語角

營業中

休息中

越南語角@海堤街今日中午約咗朋友喺鰂魚涌附近食lunch，印象依間越南餐廳都唔錯，就入咗去試吓。舖頭裝修有少少越南風而且環境闊落，坐得幾舒服。落單嘅時候先發現店員好似都真係越南人黎，而且幾Nice。我哋就就咁點咗兩個主菜同埋一碟生菜，生菜就正常水準唔特別去點評：🍗越式雞扒撈檬雞扒不過不失、唔會太老又唔會太膩，有淡淡嘅香茅同檸檬草味道。配埋表面既香葉、青瓜、蘿蔔絲等配料，食落好清新好解暑。撈檬汁亦唔會太酸。🥓老街香茅豬頸肉煎蛋飯呢個飯既賣相相比就差d，不過味道都唔差，性價比可以。啲菜嘅分量啱啱好，好啱餓嘅時候食。豬頸肉嫩口，配埋醬汁食一流，伴碟亦配左一啲新鮮蔬菜同香料葉，食落唔會太膩，好快就食曬。