阿來泰式地道風味 (已結業)

吾好以為食正宗泰國菜就只有九龍城先食到，長沙灣都有好推介，平民價錢食到高質泰國菜。雖然呢家系新開張試業，但內裡坐無虛席，外面仲有排隊入席既人群。即使員工工作繁多，但仍然保持著良好服務態度，熱誠有禮，十分難得。泰式醃豬頸肉沙律＄５８，酸酸辣辣好開胃，大片大片豬頸肉，伴新鮮青瓜、小蕃茄，清新爽口。串燒沙嗲半打（雞肉、豬肉各半）＄６８，火喉掌握得好，一Ｄ焦炭都冇，不乾不硬，鎖緊肉汁，配搭香甜濃郁既沙嗲醬汁。泰式濕炒河炒（牛）＄５２，乾炒既就試得多，濕炒真系好少見，一於試下。先猛火炒過河粉，勁有鍋氣，醬汁由多種蔬菜煮成，非常鮮甜，推介。青咖哩豬＄５８，醬汁勁多，濃郁椰香，散發香草味，剩系醬汁就可以食到３碗飯。椰汁三色冰＄２２，新鮮椰子打成，沙冰幼細，ｆｒｅｓｈ！