美味小鮮肉 (已結業)

行左去女人街，見到呢間潮州菜餐廳，就入去試下。環境大，闊落，好多位。我一個人食，就叫左鐵板黑椒雞扒飯（$58）。等左無幾耐就黎啦，上菜都好快。不得不講呢度服務真係周到，服務員周不時過黎講解點食法，同主動幫手開爐，撈飯，加汁，好熱情，好有人情味，真係難得一見。呢間餐廳其實都特別，普通一個雞扒飯都可以放上台的爐度加熱，有點鐵板燒的感覺，一路食一路熱住，唔驚凍，又原汁原味。塊雞扒呢，其實就好juicy既，又唔老。同埋個飯都算大份量，又有好多蔬菜，感覺上健康d。價錢上尚可。