村爺爺龍蝦湯.泡飯.燉湯專家

營業中

休息中

一早起身勁多野做，做到兩點幾都無食野，同朋友去左食下午茶。行過見好多人排隊，湊下熱鬧先。嘩，好平呀，特價麵食十幾蚊一碗仲有熱飲，其他下午茶都係十幾蚊起，唔怪得咁多人，等我地又排埋一份試下先。等了約十五分鐘先有位，店內坐位有點小迫，但以茶餐廳形式而言可接受，而且價錢相宜，亦沒甚麼可投訴了。自己點了咖哩牛脷飯，連熱飲在內（$28），太平了，份量可不少，滿滿一碟飯，牛脷亦有十片以上，仲有兩條青菜咖哩汁說是日式的，個人覺得偏甜，可以辣返少少就更好了。牛脷軟腍入味，帶蒜香，仲有洋蔥香，不錯，食完一碗勁飽。朋友點了自選龍蝦湯泡飯，兩款餸連熱飲（$48），轉凍飲加（$3），賣相平平，但原來那個龍蝦湯真的不得了，超濃郁的龍蝦味，味鮮且清甜，一喝就知非師傅而成。兩餸中朋友選了響鈴同墨魚丸，響鈴吸飽了湯汁很棒，墨丸爽口彈牙，非一般凍肉舖貨式。湯飯真的好好味，彭彭聲食哂仲飲到一滴湯都不淨，太正了。餐飲要了熱檸茶同凍檸茶，檸香茶純，不錯。遲到的朋友點了奶油多士（$18），即叫即制熱辣辣。奶同油都下得很多，漏哂出黎，連埋杯熱飲都係十幾蚊，超抵食。味道好，價錢平，唔怪得咁多人排隊