影片
更多
2023-01-20
152 瀏覽
觀塘工業區有好多餐廳，卧虎藏龍，呢間餐廳由兩兄弟主理，一位係前法國甜品品牌生產部經理，另一位係前酒店總廚，聽完朋友咁講即刻覺得要去呢度主打西餐，主食叫咗蝦肉蟹肉千層麵，平時食通常都係配肉醬，呢個好有驚喜，滿滿嘅芝士，焗到熔熔扡可以拉絲，一層麵夾蝦肉一層麵夾蟹肉，蝦肉size正常又彈牙，唔係蝦米咁細粒🤣蟹肉份量都夠，咸鮮味好足夠另一主食叫咗牛肝菌忌廉汁長通粉，雖然係大路嘢但最顯功架，通粉唔會烚到過硬或過淋，仲有少少硬度有咬口，牛肝菌忌廉汁好香濃撲鼻，都幾大碟，但食下食下就清晒覺得兩個主食都唔太夠喉，於是叫多個蟹肉雲吞配黑松露忌廉汁，個賣相真係好似高級西餐廳咁靚，意式雲吞皮厚薄適中，入面包住滿滿嘅蟹肉，點上黑松露忌廉汁，都唔怕個汁搶走蟹味，讚食完就柯打埋呢度嘅另一推介 - 冰糕！開頭我都唔知乜嘢叫冰糕，原來佢係一個類似雪糕嘅甜品，外層有濃滑忌廉，中間有綿軟蛋糕，外表硬硬地，但入口溶化就變成柔滑嘅質感，我地叫咗荔枝玫瑰味同熱情果乳酪味，兩款都好清新又特別，唔會好甜，荔枝味同熱情果味都好fresh真心估唔到喺觀塘竟然有間高質西餐廳，我臨走仲外賣幾個冰糕返屋企請屋企人食😀
呢度主打西餐，主食叫咗蝦肉蟹肉千層麵，平時食通常都係配肉醬，呢個好有驚喜，滿滿嘅芝士，焗到熔熔扡可以拉絲，一層麵夾蝦肉一層麵夾蟹肉，蝦肉size正常又彈牙，唔係蝦米咁細粒🤣蟹肉份量都夠，咸鮮味好足夠
另一主食叫咗牛肝菌忌廉汁長通粉，雖然係大路嘢但最顯功架，通粉唔會烚到過硬或過淋，仲有少少硬度有咬口，牛肝菌忌廉汁好香濃撲鼻，都幾大碟，但食下食下就清晒
覺得兩個主食都唔太夠喉，於是叫多個蟹肉雲吞配黑松露忌廉汁，個賣相真係好似高級西餐廳咁靚，意式雲吞皮厚薄適中，入面包住滿滿嘅蟹肉，點上黑松露忌廉汁，都唔怕個汁搶走蟹味，讚
食完就柯打埋呢度嘅另一推介 - 冰糕！開頭我都唔知乜嘢叫冰糕，原來佢係一個類似雪糕嘅甜品，外層有濃滑忌廉，中間有綿軟蛋糕，外表硬硬地，但入口溶化就變成柔滑嘅質感，我地叫咗荔枝玫瑰味同熱情果乳酪味，兩款都好清新又特別，唔會好甜，荔枝味同熱情果味都好fresh
真心估唔到喺觀塘竟然有間高質西餐廳，我臨走仲外賣幾個冰糕返屋企請屋企人食😀
張貼
