平民扒房@友蠔食 (已搬遷) 新店位置

週日午餐簡簡單單，去咗旺角平民扒房，平民價錢就食到西餐😀 同朋友點咗兩個lunch set同一個小食share。🍽️巴西牛柳（$88）以熱石上桌， 發出誘人嘅滋滋聲，可以煮到自己鍾意嘅熟度。可以揀配薯條飯或者意粉，我哋揀咗薯條，套餐仲包括蘑菇湯同飲品🥤。我地另外仲點咗燴龍蝦忌廉意粉（$99），意粉幾creamy，龍蝦肉都幾多，有四大嚿，肉質彈牙。裏面仲有三文魚子，味道清新。小食就選擇咗海膽撈冷烏冬，配搭幾有新鮮感。