冬蔭公公 (已結業)

香港食泰國餐一向都唔平，終於搵到間叫做唔錯又唔太貴O既泰國野食下。我地兩個人食，要o左個冬蔭公幼薯粉，黃咖哩軟殼蟹，油鬆餅同燒春雞。冬蔭公幼薯粉個湯底分3種辣，如果你唔太食得辣的話，可先試BB辣。我地試o左中辣，食食下都會覺得開始辣! 本身碗粉冇餸，如果要就另加，好似車仔麵咁。不過我覺得加o既餸得好少，寧願另外叫會抵d。但幼著粉真係好正，唔錯!黃咖哩軟殼蟹配油鬆餅真係冇得頂! 不過得一塊油鬆餅就少o左D啦! 黃咖哩本身甜甜地，味道唔錯! 軟殼蟹炸得好脆，又唔會太油。不過$7X一個就比較貴o左少少。但都值得一試!我地得兩個人食，所以只係叫o左半隻燒春雞。一黎到已經覺得勁香! 食落d肉好滑! 半隻份量都唔算少，$3x抵食! 推介一試!!另外我地見佢d特飲全部半價，就要o左兩杯咸青檸梳打，可惜難飲到爆!! 又唔咸又唔酸咁，完成係冇味得d氣! 飲o左半杯都唔想再飲囉! 埋完單佢會交番張coupon，下次食就可以送一塊油鬆餅。兩個人都係食o左$16x，唔算貴! 下次會再食，但會飲第二d囉~