薩莉亞意式餐廳 (平田商場) (已結業)

今晚兩公婆都唔肚餓， 求其搵啲嘢食下， 近近地去附近嘅薩莉亞 ，呢度啲嘢食份量其實都好細 ，但價錢都好平 ，叫咗個肉醬多利亞 ，其實佢係一個類似肉醬飯 ，不過側邊有啲白汁芝士，份量好少 ，大約一碗飯嘅份量左右_，不過係好味嘅,另外 一個煙肉菠蘿pizza ，加六蚊可以再加芝士， 個餅底都脆嘅， 但係除咗芝士味之外， 成個pizza都冇乜味 ，加咗一份細嘅辣雞翼， 其實佢一啲都唔辣 ，小朋友都食到 ， 都幾入未嘅，呢度啲嘢食全部都熱辣辣 pizza都係即做嘅， 有拉絲嘅效果， 三樣嘢加埋八十蚊有找，好抵